我以往啲M都好準，但今年亂曬龍！
我5月中黎完m，6月有做過婦科檢查 冇事
隔到去8月5號先黎。。。
之後去到8月13號先完 但個量唔多
跟住8月17號有同男友sex, 全程都有用套
雖然射果陣係入面 但都有套隔住
同埋有㩒住個套抆返出黎
但去到8月26號 即係今個星期一
突然又流啡色分泌物 之後變深紅色
但佢又冇好明顯係護墊見到
只係去廁所抹果陣 見到一攤咁。。。
係提早左黎m定著床出血定排卵出血？
去到今日28號 依然都有呢啲紅啡分泌物
岩岩去左睇醫生 佢幫我驗埋孕 一條線 冇bb
但我上網睇話 咁早應該驗唔到？
醫生開左啲調經藥比我
但我仲係好驚有左。。。
Hello 你嘅情況暫時唔使太驚係有咗先。
因為一般嚟講，性行為之後11日驗孕，都已經會得到準確嘅結果嘅，如果你有驗都係陰性嘅話，都可以相信個結果。而且你哋當時發生性行為都有用到安全措施，所以又唔使太擔心。
至於着床出血個方面，一般嚟講都係得輕微好少一兩滴咁樣，亦都唔會話出現幾日都仲有血，所以你呢個情況都相信唔係着床出血，唔使太擔心。呢個情況都有機會係排卵出血，或者係差唔多嚟M，你都可以繼續留意吓個情況。
至於月經其實都會有好多唔同因素影響，有機會因為生活作息、飲食習慣、情緒壓力等等，而提早或者延遲咗。如果覺得月經好亂，想改善嘅話，都可以做多啲運動，或者改善心情，注意飲食習慣等等。
希望有幫到你
之後如何？