小弟為了慶祝自己的18歲生日在上星期去了旺角買羽毛球拍。
請問有沒有方法可以分辨由性病引起的傷口和磨擦導致的傷口，由於還在空窗期還不能進行性病的檢驗，但看到性器官有一個不明顯的傷口十分不安。
另外想問衛生科要等3個月空窗期會不會導致病情惡化。
Halo🫶🏻先祝你18歲生日快樂
我諗性器官有明顯嘅傷口都真係會令人好擔心
又唔知到底發生咩事咁
不過我建議如果係已經眼見到有明顯傷口時，無論係因為咩原因而導致，都建議先去搵醫生求診，會較為合適因為正如你咁講，都係防止病情再惡化落去。
另外，如果係因為性病而引起嘅病徵，大部份都唔會係要等三個月空窗期做測試後，先知道嘅。要等空窗期做測試先知道嘅性病，多數都係一啲冇明顯病徵嘅性病，例如愛滋病病毒感染同梅毒。所以當你已經見到有明顯傷口或者病徵嘅情況，一律建議直接搵醫生求診。
至於分辨兩者，最直接就係睇吓傷口有冇紅、腫、痛、發炎或者異常分泌物流出。如果有以上情況，都大機會可能係因為性病而引發嘅病徵。不過，最終都係要靠醫生診斷先知道結果係點～
謝謝你的留言，得到回覆讓我安心不少，這次很可能是自慰時不小心用力過度引起，在31號早上時傷口已經結痂，這個大小的傷口我通常3-4天會癒合，到時如果再有異常便會馬上求醫。
真的十分感謝你。