今日同男朋友扑嘢 掹返出嚟嘅時候，見到佢條賓州已經縮短咗，但係個安全套仍然係佢上面，咁其實有冇機會佢啲液體會流出嚟入咗我個陰道？（但係佢冇射到）之前月經最後一日都有同佢扑嘢，一樣情況。我好驚會中，成個人好焦慮
同埋想問多一樣嘢 避孕針定係避孕藥成效好？
聽得出性行為對你嚟講都有啲事後壓力，同好欣賞你都有盡力使用唔同嘅避孕方法。如果你已經有好好地正確地使用安全套，其實都唔使太過分擔心了。因為正確使用安全套後嘅性行為，都已經有一定高嘅保障。
特別如果你地係性行為後，有即時將性器官拔出嚟，而安全套仍然套喺性器官上面，亦無穿無爛，同時都無流出體液嘅嘅話，其實亦相對好安全了～
正如你第二個問題，對於平時都會較緊張嘅朋友仔，我地一般都會建議大家可以考慮同時用多於一種唔同嘅避孕方法，有雙重保障都會安心啲，例如服用事前避孕藥、注射避孕針等，都係啲可靠嘅方法之一。至於呢兩種嘅功效上其實都差唔多，反而更加要睇下你嘅個人習慣同身體狀況而決定，因為佢地都向有優劣。
例如：事前避孕藥需要持續同每日服日，可能對部分比較健忘、大頭蝦同生活習慣無咁穩定嘅朋友仔嚟講就會較為無咁方便；而用避孕針，因為一次劑量都會較大，以確保整個月份都係保護內，而且雖然每月都搵醫生注射，所以都可能對部分人嚟講無咁適應同副作用較大。所以建議係選擇使用呢兩種方法前都先咨詢醫生意見會較為理想～
最後呢，如果插入式性行為係長期都會令你好緊張嘅話可能你都要考慮下會唔會試下同另一半相談，睇下有無啲咩擔心係未被解決。甚至，睇下會唔會可以商量下，大家用其他方式嘅性行為滿足大家嘅需要。
1個讚
但係我感覺到佢喺我體內已經縮短咗 咁有冇機會有液體喺陰道？同埋之後都有做灌水 冇穿冇爛
當然我都唔可以話100%無，不過我就咁聽，一般嚟講就算佢無再處於勃起嘅狀態，安全套都唔會即時就反開再倒灌入陰道嘅，而且都有即時掹出嚟，所以機率其實已經好細了～唔洗太過分緊張
1個讚