打飛背書會難背啲？
Halo
介唔介意都講多少少你嘅concern同諗法先？不過就標題關於自慰嘅害處嚟講，如果無影響日常生活嘅情況下（無論生理定心理），自慰都唔會有太大嘅問題～而且自慰都係一種最方便同安全嘅方法解決性需要，所以無論咩性別嘅人都可以做嘅。不過大前提係唔會對日常生活做哂影響，同唔會騷擾或者影響其他人就可以了～
本人係一個中學生，發現打得飛機多，背書會難記入腦，唔知係咪真嘅？
Hello~喺醫學上暫時無研究指出自慰同記憶力下降有直接關係
反而係自慰期間會刺激腦部感到快感，所以完事後容易感到疲倦、集中力不足，可能就係導致你所講嘅難啲背書入腦
不過呢啲都係短期影響，休息一陣就復原，所以唔需要太擔心~~
但係我每日打兩次飛機，我想問下考試時唔打係咪就ok?
同埋要休息幾耐？
Hello你好
每一個人嘅身體都唔同，好難俾到一個準確嘅數字，上面同事指嘅唔係打飛機一定導致背唔到書，而係可能會攰啲，所以就有機會岀現你講嘅情況，咁唔代表唔打飛機就一定背到書。
生活習慣上嘅改變都可以改善你嘅情況，例如早睡早起，保持充足精神，都有助專心溫書嘅