Wwuukk

[Wwkkuy]

27號同男朋友做既時候 個套穿咗 結果射咗入去 之後已經即刻睇醫生 食咗事後丸 但呢幾日個肚都keep怪怪地 唔知係心理作用定係副作用 真係好驚會中

[Tony_StickyRiceLove]

Halo​我諗出現呢啲情況大家都唔希望，所以都會好擔心到底仲有無事。不過如果係醫護人員處方下，服用咗事後藥都唔洗太擔心了，特別如果你愈早服用事後藥，效果亦會更加好。

至於你出現唔舒服嘅症狀都好大機會係因為事藥嘅副作用嚟。因為佢嘅劑量都較事前約多同重，所以部份人服用事後藥之後，都會特別感到不適。呢啲唔舒服嘅感覺，視乎唔同人嘅體質，一般嚟講大概一個月內就會回復平常。所以你都可以留意住身體情況，如果再有特別唔舒服嘅情況，或者你真係好擔心嘅話，都可以去睇多次醫生～

另外，如果食完事後藥都仲係好擔心有咗嘅話，除咗睇下有無月經以外，一個快啲嘅方法可以安心啲嘅，就係用驗孕棒自行檢測。喺嗰次擔心嘅性行為後7-11日，其實已經可以用驗孕棒獲得初步結果。最準確嘅情況就係11日後做檢測，到時結果已經相當準確，咁你就可以安心啲唔使再咁擔心。