我係27號（預計排卵日前一日）幫男朋友用手整咗出嚟，有精液射到我手上
事後我即刻去洗手，有用到洗手液仔細清潔咗，之後就洗個支潤滑液，上面有precum，但洗得唔係好乾淨，宜家支野摸落去仲有少少黐立立
洗完後係有用紙抹手嘅，係半乾狀態
然後我就去咗小便，全程冇用手指直接接觸陰道
宜家驚嘅就係手上可能有精液殘留，係我上完廁所用紙巾擦拭陰部個陣透過紙巾去到陰部口（因為紙巾會摺疊，而且我有擦拭陰道口）
我自己都知大概率冇事，但撞正排卵日前一日（我平時經期都準時）加上我自己真係好容易亂諗，所以都係少驚，可唔可以俾個詳細少少嘅回答等我可以每次亂諗個陣就攞出嚟睇冷靜下
Hello你好啊
首先，性器官冇直接接觸，係唔會懷孕嘅。精子離開咗體外之後暴露係空氣其實好快就死亡，即使你有掂到啲精液，都會好快被皮膚吸收、揮發，再加你都洗咗手，就算你洗完手後，真係有精液殘留（機會都好低
），都會被你隻手嘅皮膚吸收，喺空氣中揮發，所以導致懷孕嘅風險好低嘅，唔駛太擔心！
1個讚
咁係咪其實精子被水冲咗下就已經會被沖走/好快死？
另外我宜家係排卵日後5日、經前9日，係網上查咗下呢個時間應該唔會分泌物增加架
，而且我長期有念珠菌感染/細菌感染（冇睇醫生所以唔確定係邊種）但呢排嘅分泌物係明顯比之前多咗，想知道可能會有咩原因
其實我宜家係比較驚潤滑液上面嘅precum多少少，因為真係冇洗乾淨
不過我聽d坊間傳聞話水性潤滑液係會殺精/阻礙精子前進，想問係咪真嘅
正如上面所講，精子離開咗體外之後暴露係空氣其實好快就死亡，所以你掂咗一枝上面有precum嘅潤滑液，啲precum已經喺揮發、被你手嘅皮膚吸收咗
而潤滑液係無任何避孕嘅功能，只要正確使用安全措施，先能夠有效避孕。
見到分泌物出現嘅情況一直持續，最近甚至加劇，呢個都唔係一個理想嘅情況。我哋始終唔係專業嘅醫療人士，亦唔係最熟悉你身體嘅人，都係建議你可以去睇醫生，醫生判斷到底你身體發生咩事。
你可以考慮去家計會嘅青少年保健中心，約見醫生。醫生評估服務診金係$150。不過留意返唔係每一間家計會診所都有提供婦女健康服務嘅，而無論係青少年保健中心/家計會診所嘅保健服務係必須預約嘅，你可以透過家計會嘅網上預約系統/致電該間保健中心/診所預約到診時間。有關家計會嘅健康服務詳情可以參閱以下網站: https://www.famplan.org.hk/zh/our-services/clinic-services/women-health/women-health-service/content 195
假如你係睇咗醫生之後，真係確定係感染念珠菌，都可以改變生活習慣，避免再次感染：
• 不陰道灌洗
• 經常清洗、更換內褲
• 選擇棉質內褲，避免穿緊身褲
• 作息規律、不熬夜
• 改變飲食習慣，少吃甜食、飲料
• 避免熬夜晚睡，提升免疫力
1個讚