琴晚同男朋友發生安全性行為
插入前及接觸前都帶上安全套
由於係夜晚熄左燈 帶套既
男朋友都套到根部， 我摸到佢係帶到盡
之後差唔多射時
男友下體拎返出黎一陣 幾秒 就射左係套入面
但發現佢d毛毛位好多白色分泌物/水
男朋友話係我既分泌物黎？ 同埋安全套帶到盡同埋未射 唔會流到去毛咁跨張
之後我擔心 將安全套加水 係完全冇漏流
依家只係擔心 佢毛毛上係米我既分泌物
加上我試過女上男下既姿勢 ， 都有機會係我流出黎
之後做完係開返燈既
其實抽插係米都有機機會 將女性既分泌物打成白色分泌將分泌印上去男朋友毛毛位到
只係擔心會唔會女上男下倒流 ？ 但呢個姿勢時佢果陣又未射精， 頂多係前列線分泌， 但帶到盡同都cool到緊應該冇咁易流到去毛毛位掛？
我意思女人興奮時 多白帶 ， 抽插時係米會白色？ 太多會唔會流係男仔d下體毛上？
常見嗎
…
唔記得講返， 射前動作唔係女上男下
係正常姿勢 男上女下 ， 仲要拎出黎格1-2秒射係套入面
所以佢射前不是精子倒流係毛毛上
所以好奇佢毛毛上既分泌點黎
風險算低嗎？
拎出黎射完d 精仲係套入面
Hello你好
見到你地全程使用安全套，事後亦都進行漏水測試，安全套無穿到，代表避孕嘅成功率係好高咖，唔駛太擔心。至於另一半毛毛上嘅分泌物，的確好大機會係你嘅
，性行為中產生嘅分泌物係透明或者白色，兩個情況都係正常嘅。即使全程都係男上女下，但其實喺性行為時，陰莖一直進出陰道，陰毛嘅位置都會接受到外陰，所以分泌物就此掂到啲毛毛~
我男朋友都咁講， 可能我只係太擔心
只係我擔心 前期女上男下果陣 會唔會係倒流佢d前列線液
，但佢果陣未射， condom 都包到底
所以我男朋友話冇可能～ 同埋佢話唔會咁前列線液唔會咁跨張 d毛毛上面咁多
之後後期 都換左姿勢同拎出黎， 之後睇到佢係射左係套入面既～
。
仲有另外一樣野我好擔心
我8月24號開始黎m
黎到約9月1號左右 好似己經乾淨哂，啡血都冇， 開始唔用護墊。
9月2發生安全性行為完左之後，訓完覺底褲又出現返收唔多完m 果d啡色分泌（但唔係成日有， 可能全日得一次有呢d情況， 之後都係柯尿 都唔見到有， 分泌都係透明既。
今日9月3，又係以為完哂 ， 岩岩發現底褲有啡色完m 果d 分泌 ，專登用紙抹下體又冇血， 尿色又正常，白帶又好似透明。
補充：其實係我上兩個月大病左一排，食左好耐感冒藥同抗生素，因為中左肺炎同流感。
6月係16號黎m
7月月經係24號黎, 但7月就遲左9日黎m，因為病同食藥， 但血量就7 日左右，
到左8月十幾號仲食緊藥感冒藥，但準時8月 24 日黎m…唔知食藥有冇影響到今次月經長短呢？
其實由8月24號到依家己經11日，仲係間中有啡血，想問呢個情況常見嗎？ 其實我之前都試過8-9日先完哂， 反而我今次11日我擔心 係性行為（受精？）/子宮問題
子宮方面，未黎月經前，我8月頭照左超聲波同子宮抹片檢查， 係全部正常。
依家只係擔心係米性行為受精/ 懷孕出血？
我有機會亂諗， 因為發生左只係一日
但因為見到佢毛毛上有白色分泌、 搞到我好易亂諗， 雖然你地都幫我分析左 好大機會係我既分泌， 原本己經放低心情。 但今日底褲出現返啡色， 搞到我又亂返轉頭。
文章有d長， 多謝你地解答。
9月2朝早做完下午
及9月3號 有兩次啡色 唔會係咩著床嗎？
同埋我有App 記錄每次月經周期
正常黎講 9月7號排卵期
我會唔會第11日仲有啡色 係排卵期出血呢？
其實我以前冇試過排卵期出血， 唔知月經未乾淨 內分泌問題 還是 受精卵著床
（好似可能性低）
子宮/盆腔炎， 8月 頭Body check 又check 左，又冇事
Hello, 根據你嘅情況懷孕風險極低嘅，因為你同伴侶係性行為全程使用安全套，係無甩套/穿套情況下尿道球腺液同埋精液唔會漏出，而且安全套做過入水測試確認冇穿到，所以唔使太擔心會懷孕。
如果仍然不安好擔心，建議驗孕因為係最直接知道有冇懷孕嘅，係性行為發生後7日驗孕，可以獲取初步嘅結果；11日後驗孕可以獲取準確同可靠嘅結果。驗孕棒嘅原理喺透過檢測尿液中嘅HCG(人絨毛膜促性腺激素)含量嚟判斷有無懷孕，因為只有受精卵成功著床嘅女性身體先會會開始分泌HCG，通常著床時間就會係6-9日，所以性行為發生後11日就可以驗孕，得出準確嘅結果。
提一提，月經會受好多唔同嘅因素影響嘅，例如生活習慣改變、心理壓力大、服食過藥物、長期處於擔心嘅狀況等等。你提到最近受到病情影響同有服用藥物，呢啲情況會影響到荷爾蒙分泌，繼而影響到月經後期出現啡色分泌物。
有時月經嘅結束可能唔完全，尼個情況會導致一啲殘留嘅血液係月經後幾天排出，特別係運動或性行為後出現嘅。
都可能係排卵期出血，原因係當卵巢排卵後，黃體素濃度唔足夠時，子宮內膜可能會有微量剝落，出現少量出血或咖啡色嘅分泌物，形成「排卵期出血」。 當黃體素濃度穩定之後，出血嘅狀況就會自行停止，一般維持兩至三日，血量較少，都係正常生理現象~
而「著床出血」唔一定喺懷孕出現嘅狀況，並唔係一個常見嘅現象，即使真係因為懷孕都係只有少部分女性會出現嘅情況。當中嘅原理喺係指當受精卵着床喺子宮壁嘅時候有機會造成嘅少量出血，通常只會有幾滴或者最多一塊護墊可以承載到嘅血量，而且係一次性，唔會持續地出血幾日，血嘅顏色亦會同月經嘅唔一樣。
1個讚
你提供既資料我都有諗過， 原本一開始以為完左m
就係咁岩性行為完左， 又流返小量啡色分泌。
咁岩又咁唔多排卵期， 所以先搞到懷疑呢兩個原因。（但我又未試過排卵期出血）
另外， 你既意思係發生我身上著床出血 可能性極低嗎？？？我 其實性行為後只有1-2日only
Hello, 你嘅情況著床出血係極低，正如上面提到著床出血係一次性只有散點、少量，唔會持續地出血幾日，而且一般由受精到着床大概係性行為後六至九日先會發生嘅，所以唔使太擔心。
今日第5日
冇啦啦肚痛， 好似抽筋咁抽住痛， 有d肚柯
柯完個肚仲係抽住
係米同懷孕冇關係？ 定腸胃炎/食錯野？
正如上面同事所講，你嘅情況懷孕風險極低嘅。假如你仍然好擔心自己懷孕，唯一得知自己係咪懷孕嘅方法就只有進行驗孕，喺性行為後七日進行驗孕，可以獲得初步嘅，而係性行為嘅11日後進行驗孕，就可以有準確嘅結果。
明白對於懷孕嘅擔心，可以諗下你擔心嘅到底係咩？如果真係有咗bb，對你嚟講有咩影響？可能係少咗私人空間？可能打亂咗一啲計劃？依啲影響係咪真係完全無解決方法？如果可以釐清到自己嘅憂慮同恐懼，或者可以令你放心啲。不如試下同另一半討論你嘅憂慮，例如如果真係意外懷孕要點面對，會選擇終止懷孕定係繼續懷孕，有共識之後可能都可以令你嘅擔心減少。
肚痛可以由唔同嘅原因造成，我哋唔係專業嘅醫療人員，唔能夠判斷到底肚痛由咩原因造成，建議可以睇醫生，詳細了解返身體狀況。
其實我知好低 ，我會第7日同11日去驗
但可能心情唔太好， 突然肚痛
己經搞肚痛既感覺，依家柯左第3次 但全部都係軟/爛，所以你地覺得係米胃腸問題比較大機會？
其實我懷疑會唔會食左餃子
食完4個鐘後就開始咁
琴日仲好地地