我喺上星期五進行咗唔安全嘅性行為，第一次我有戴套但第二次冇，依家好擔心會唔會因此染上性病或者愛滋病。請問應該幾時去先驗到有冇中招？我聽過其他人講要等幾個月之後先驗得出。同埋驗完第一次之後需唔需要keep住隔一段時間再驗，直到驗咗幾次都冇事先算安全？同埋坊間有冇免費嘅性病檢測可以介紹？唔該晒
Hello 唔好意思咁遲先覆返你
明白你一定感到好焦慮不安，雖然呢到唔清楚你嘅性行為過程係點，但如果曾經冇使用安全套下發生過不安全性行為，的確係會有感染性病嘅風險。
如果你擔心嘅話，都可以係性行為之後3個月去驗返，基本上如果3個月個陣驗到冇嘅話，都唔洗太擔心。當然如果你呢段時間發現到有可疑病徵，例如有異常分泌物或者其他唔舒服，都可以及早睇醫生去了解返先。
你可以去唔同嘅非政府機構，例如關懷愛滋、香港善導會水銀星三號、香港愛滋病基金會、再思社區健康組織等等都有提供性病測試，或者去政府嘅社會衛生科，都會有免費嘅性病檢測服務。
現階段都唔洗太擔心住先。要有性病嘅前提係對方都有性病，而家其實都唔可以肯定你係感染到性病，一切都要等之後做咗性病測試先可以知。
希望有幫到你。
收到，唔該晒
1個讚
驗身嘅話去呢間 非牟利機構嚟 全港最平 唔好彩中招包藥同見醫生
祝好運