我已經食咗yaz 事前藥9個月
依家食緊既事前藥剩低個半個禮拜未食
對上一次sex都係黎完m後嗰2日
而最近呢兩日就有淺啡色分泌物係條底褲上面
但用紙巾抹又冇分泌物抹到出嚟
想知會唔會關我前幾日捱夜飲酒同食藥事
Hello 呢個情況暫時都唔使太擔心會懷孕先
只要如果冇嘔吐同埋嚴重腹瀉，其實對避孕藥效唔會有太大影響。另外其實有好多因素影響月經周期，例如生活作息，飲食習慣，都會影響出血嘅時間，出血日數，月經前症狀等。食藥飲酒個啲都有機會影響到㗎。
建議你可以觀察多幾日，流啡有機會係月經前嘅出血情況，如果之後幾日正常嚟月經咁就冇太大嘅問題。如果流啡情況持續嘅話就建議去諮詢醫生嘅意見。
暫時嚟講，分泌物冇任何異味，亦冇咩唔舒服感覺，就唔需要太擔心嘅。但如果你之後性行為嘅時候覺得痛，或者陰道壁痕癢，有灼燒感，或者分泌物有魚腥味，咁就需要去睇醫生啦！