我是男生。每次和女友做愛過後的一個月内總會陷入懷孕的焦慮中，儘管我們做了很充分的避孕措施（每天正確服用短效避孕藥、偶爾還會聯合使用安全套），但每每還是會擔心懷孕的事情，總是焦慮到睡不好。我知道我們的措施非常到位了，幾個月來也并沒有懷孕過，失敗的概率可能連 1% 都沒有，但是就是會忍不住焦慮。例如，女朋友偶爾乳房痛我就會擔心會不會是懷孕的徵兆，有時她來了月經我仍是擔心會不會是孕期的出血，儘管事後證明就是正常的月經出血。
我是不是更應該看心理醫生？
你好，明白有時候性行為後係會有擔心懷孕風險，加上安全措施亦唔係百分百保證成效，但要明白不論係口服避孕藥，抑或安全套，只要正確使用有效率都可高達百分之99，加上如果採用雙重避孕措施，有效率就可以更高。你地會使用雙重安全措施其實成功率係會比較高，亦會較安全，所以唔使太擔心。
如果仍然好有心理壓力，擔心有懷孕風險，可以選擇暫時唔好進行性行為，所以除左唔發生性行為，現今真係未有百分百安全既安全措施。要知道發生性行為前，除了要清楚安全措施既選擇，了解雙方既意願之外，了解可能既風險亦好重要，如：有機會避孕失敗而懷孕/性病感染風險等，清楚了解風險後，如果發現心理上未能承受有關風險，可能反映雙方未準備好發生性行為。不竟發生性行為除左係生理上面既準備，如：選擇合適既安全措施/雙方既感情狀況等，良好的心理準備亦好重要，如果係心理上未有充足準備，好多時都較難處理或面對突如其來既事件，實在無必要為自己帶來太大既心理負擔。
係再次同女朋友發生性行為之前，其實兩方可以探討下現時既關係/經濟狀況/內心既擔憂，同埋若果意外懷孕有否能力去處理之類既問題，當雙方都有共識去處理，亦代表你地已有充足既心理建設，反映大家係身心都準備好發生性行為既時候。
非常感謝你的回復！
我之前一直認爲都已達到合適性交的年齡，但卻忽略了心理上的準備。可能我的心結就是在於對意外懷孕的恐懼，原來做好心理準備這一環節也是很重要的。
非常感謝你的建議和解析 
1個讚
希望我地係意見可以協助你解除心理負擔。情侶之間情到濃時有親密接觸係平常事。性行為看似只係雙方既一刻間既親密關係，好似好單純只係雙方愛既昇華，但正如剛才講發生性行為之前，除左作出知情選擇外，背後其實仲伴隨著好多東西，例如：責任/風險等，在現實上/心理上要做好準備，才更能發展一段成熟穩定既關係。
試諗下一刻間既親密關係，但事後成日提心吊膽對心理健康/情緒亦有影響。即使心理上未準備好性關係，其實情侶間仍然有好多方式表達親密既一面，例如：擁抱/愛撫/接吻等，都係一啲較少心理壓力既親密行為。
幫到我好多，謝謝你！