現在下午六點，昨天晚上八點和女友戴住安全套做愛，在射精的時候我繼續抽插了五秒，結果拔出時發現床單和女友陰道下方流至屁股有精液，安全套還夾住在陰道，安全套口在陰道外，之後我將安全套拔出，發現有一半精液在安全套內，但細看陰道內卻沒有精液，應該是拔出的時候陰莖軟左少少，所以把精液一同帶出。請問這樣需要吃事後丸嗎？但前半年也因意外已經吃了兩粒。有點擔心女友身體。
補充：昨晚是月經day21
Hello 呢個情況就好視乎你當時嘅觀察
要有懷孕風險就係精子接觸到陰道。如果你當時觀察到係安全套口完全係陰道外邊，亦都確認精液冇流係陰道，咁相對上懷孕風險都好低。但如果有唔小心濺到係陰道，就會有懷孕風險啦。
當然最保險嘅做法，都係睇醫生，將當時情況同返醫生講，以及同醫生講今年已經食過2次事後藥，再由醫生判斷是否食事後藥。
不過其實經常性食事後藥，同埋安全套留喺陰道內，都唔係一個理想嘅情況。因為事後藥係高劑量嘅荷爾蒙藥物，的確係有機會對身體造成幾大嘅影響。另外，下次射精完咗之後，都可以盡快用手連住安全套一次過從陰道抆返出嚟，盡量避免再發生好似今次嘅情況啦
希望有幫到你