想問吓懷孕風險高唔高，同女朋友做女上男下，完咗之後坐多咗陣， 陰莖拔出嚟嗰陣condom甩咗一半係入面，而個圈圈口係陰部出面，都即刻掹出嚟去做condom沖水 冇穿，而女朋友都有即刻去沖水洗陰部，雖然個condom圈圈口喺出邊，但就係唔知出嚟嗰陣啲精液有冇掂到陰部。全程帶安全套，同埋事前都有用VCF避孕凝膠，問題好似過咗佢一個鐘時效，使唔使食事後
Hello~聽你嘅情況係有使用安全套，但鬆脫咗喺陰道内，不過condom口仍然喺陰道外；而灌水測試都係成功無漏水，加上姿勢問題，就算精液漏出理論上都會流向男性身體，所以精液應該係無直接接觸或進入到陰道。如果按呢個情況評估，意外懷孕嘅風險不大，可以唔使太擔心
但有2點都想提返你
第一係射精後儘快將陰莖同安全套一齊拔出陰道
因為佩戴安全套時，陰莖係勃起嘅，而好多時陰莖喺射精後都會好快軟返，就有機會出現安全套鬆脫嘅情況
所以陰莖射完要儘快按住安全套底部離開陰道！
第二係正確使用避孕凝膠
如果根據指示，正確使用避孕凝膠，可有94%避孕率。所以如果下次過咗一小時，或者準備再次發生性行爲時，都要補充避孕凝膠。同埋同埋！使用後不建議沖洗，即使沖洗，都要至少喺發生性行爲後6小時，等佢有足夠嘅時間發揮避孕功效~