因為男朋友下面比較粗大，平時夠濕都冇事，但前幾日同佢做，其實插入黎已經唔太舒服但我冇出聲。之後佢換左個姿勢，將我對腳抬高，佢太大力同埋角度唔係幾岩，插左幾下我痛到叫救命，佢仲以為我興奮所以唔停，我感覺痛到撕裂，痛到喊左出黎，叫佢停。我地兩個都嚇親，但我真係太痛。佢過左陣用返普通姿勢就冇事。但射完出黎，見到condom有少少血，我用紙巾抺陰道口，真係有一點一點血。我之後柯尿都覺得損左痛，過左兩個有時掂落去都痛，我應該點做？
Hello 呢個就要留意返你嘅身體狀況，睇吓有冇需要去睇醫生啦
因為一般情況下，陰道係有自動復原嘅功能，如果擦傷情況唔嚴重嘅話，係三至五日到一個星期內就會好返。但係如果情況嚴重嘅話，例如痛楚持續，冇減退跡象，一直有出血，甚至出現異常分泌物嘅話，就要去睇醫生治療或者處理。所以你都要好留意自己嘅情況，如果真係有以上任何一個情況，都最好睇吓醫生。
呢段時間，千祈唔好再發生性行為，亦都唔好用刺激性清潔用品處理，用溫水清潔陰部就可以啦。盡量保持乾爽，穿着棉質寬鬆嘅下半身衣物，都會有幫助嘅。
最後都提醒返，性行為中，溝通都好重要嘅。如果真係覺得好唔舒服，就千祈唔好夾硬嚟。如果擔心溝通時對方有誤會嘅話，都可以喺事前溝通設定一啲「安全詞」，係同性行為完全無關，當一聽到呢個字就要停止發生性行為，咁就可以避免任何一方有誤會啦。
希望幫到你