食咗yaz就快半年
上一次M係23-27/8 25/8開新一排藥
BF喺4/9中出咗 依家食緊無藥效嗰幾粒
照道理應該呢幾日會嚟M 但又好驚唔嚟
我咁緊張 會唔會原本嚟都搞到唔嚟
我追咗你哋幾個po 見話sex完11日就可以test 所以啱啱test咗次 一條線
但其實我又未算係遲m come 純粹係擔心
你好，你講得無錯，月經周期係會受情緒/壓力等影響，所以係有機會令月經遲黎。其實你已經食左避孕藥近半年，一般服食避孕藥超過3個月藥效已經好穩定，只要你平時都準時食藥，漏食又記得補食就唔會有太大問題。同埋你已經驗左孕係陰性，可以放心哂，唔使咁擔心，放鬆啲。
唔該晒
另外 我想問下 如果平時有食事前 M come期間內射 會有啲咩影響㗎？
如果呢個情況驗孕 係咪都係照2個禮拜後check 定等period冇嚟先check？
事前+m come 係咪照道理應該機會不大
（我知點都會有機率 但另一半忍唔到）
hello你好
首先想解釋多少少，避孕藥係通過人造荷爾蒙去抑制排卵，改變子宮頸黏液嘅粘稠度，同埋改變子宮內膜環境，從而達致避孕嘅功效。所以，喺避孕藥嘅影響下，唔會好似平時月經咁，因為身體週期性荷爾蒙變化、排卵、然後未受精嘅卵子連同子宮內膜喺月經期間排出體外；服藥期間出現嘅「月經」其實係「撤退性出血」，即係服用藥物期間，有荷爾蒙，而停藥時，其實冇吸收荷爾蒙成份，而呢個荷爾蒙變化（下降）就會令到子宮內膜脫落，出現出血現象，之後開第二排就會令到荷爾蒙水平再次上升，達到避孕嘅效果。
所以當你每日準時服食避孕藥，到食無藥效嗰幾粒藥時，身體都係有藥效咖～
假如你仍然好擔心懷孕嘅話，可以喺性行為後七日進行驗孕，可以獲得初步嘅，而係性行為嘅11日後進行驗孕，就可以有準確嘅結果。
見到提到另一半忍唔到，其實性行為需要雙方嘅共識嘅，唔係為咗滿足另一半嘅，假如你依一刻未ready好，我地絕對可以say no嘅，明白有時候會好難，簡單一句「我唔想」，都可以清楚表達你嘅意願~
明白晒 唔該晒你哋
之前最開始食藥真係為咗想period唔好咁亂 但依家先知原來食藥後嘅period同平時係唔同(°▽°)
另外好奇都想再問多樣嘢～
之前見過人話食事前都中咗嗰啲 係因為冇按時間食
所以啲藥廠先戴頭盔唔會寫100%
如果真係平時每日照常嘅話 其實都係會100%？
暫時世界上並無一種避孕措施係能夠做到100%避孕成功率嘅，不過正確使用安全措施係可以大大減低懷孕機率嘅！
口服避孕藥嘅避孕成功率已經係可達99.7%（perfect use，完全正確使用），及91%（typical use，一般使用）。除咗無按時間食藥，一般使用包括出現嘔吐等副作用/藥物過期/身體出現狀況等等。