今日係我人生中第一次的Sex, 冇插入行為，但有摩擦（用我的陰莖摩擦佢既肛門）
對方（男）喺係社交媒體認識，見對方大隻又冇乜fans 就約佢。 以為佢冇乜經驗，點知佢同好多人做過。我好驚自己因此感染性病。
性行為：有瀨佢肛門，互相摩擦（用我的陰莖摩擦佢既肛門，佢亦都有坐係我身上摩擦，但我唔確定有冇插左落去）
註：但冇口交行為，佢條陰莖望落去正常冇異物，肛門都冇，亦冇傷口。 佢話佢琴日做左test，但我唔係好信佢。
請問我感染性病的機會大唔大？
1.例如愛滋病的機會
2.其他性病例如梅毒 · 淋病 · 非淋病性尿道炎 · 衣原體 · 性器疣 · 陰部疱疹的機會又大唔大？
3.想做檢查，請問可以去邊到求助？政府門診嗰啲會唔會等好耐？
4. 愛滋病檢查要等幾耐做先好，同有較準的結果？
5.其他性病又係等幾耐先做好？同有較準的結果？
Thanks 
補充：全程冇戴套
你好，根據你所講既情況，我地都難就咁去判斷大唔大機會感染性病，不過通常有高風險體液，例如精液、尿道球腺液（陰莖受到刺激嘅時候會分泌透明嘅尿道球腺液）、陰道分泌物、腸液同血液等，接觸到性器官同比較脆弱嘅黏膜組織（例如口腔、肛門、尿道口），特別係當上面有開放性傷口（正在流血）先會有比較大機會可以造成性病傳播。
如果你地無高風險體液同你嘅性器官冇接觸，或插入式性行為，感染性病嘅風險係好低嘅。 如果你擔心嘅，你都可以去做個全面嘅性病測試，政府既社會衛生科、家計會診所、部分私家診所或者醫療機構都有呢個服務，有需要可以去預約。
你預約做檢測之前要問清楚需要等待嘅「空窗期」有幾耐，即係距離對上一次性接觸後幾多日做測試會有比較準確嘅結果。一般大部份性病嘅空窗期都會係7-14天內，而HIV嘅空窗期係90日，所以你可以係性行為後14日後先做一次，等自己安心啲，然後90日後，過咗空窗期做多一次性病測試，結果就好準確架喇，到時就唔使擔心啦。