Hello, 又係我，希望唔好介意我咁多嘢問
承上個post，人生第一次做SEX，雖然唔係插入式行為。
對方好似好enjoy，但係成個過程我係完全冇安全感，最後係冇射精完結。
冇安全感的原因：第一，佢一黎到就除曬衫等我上，冇任何交流就開始。我好緊張。
第二，間房係暗既，我想開燈做（因為我會覺得安心啲），佢話唔想，於是我就遷就佢。
第三，基於唔信任，我好驚佢偷拍片，影左我個樣。有同佢反映，佢話冇拍。
請問我咁樣係唔係我自己既問題？中途我有勃起但好快就軟。因為成個過程我係完全唔enjoy，好驚好唔安心。
佢俾我一種Playboy/任何人都可以既感覺。
後悔自己唔應該冇了解清楚就開始…
首先唔使擔心問好多野，有唔明白/想分享我地都歡迎你地發表的。其實你有呢啲感覺係好正常，一啲都唔使覺得自己有問題。
首先，今次係你第一次同其他人有性行為，心情一定緊張，同埋唔係太熟知性行為既過程，有擔心/不知所措，正常不過。係咁既情況下自然會緊張同不安。焦慮/不安亦會影響不能持久勃起的。
其次，你今次發生性行為既對象係一個唔熟悉既人，例如：唔知對方背景/健康狀況等，都會令你有擔心，可能係擔心性病風險/人身安全/偷拍風險等，呢啲因素都會令你唔投入，或者過程中有心理壓力。加上對方既行為似乎係比較主動，同埋好似有較多性經驗，亦會令你不安。
所以你如果想搵對象/或對呢一種同陌生人發生關係有不安，建議你可以先跟對方互相認識一下/或有初步了解，才考慮係咪適合發生性行為。又或者可以先思考一下自己其實係希望尋找一段咩野關係，如：穩定既伴侶/一夜情/開放式關係等。
希望幫到你。