前日同女朋友做，今日凌晨佢去廁所，發現自己有血尿，同埋不停有想屙尿嘅感覺，佢今日去買咗尿路必靈，食完之後好似有啲發燒，想問正唔正常？同埋使唔使睇醫生？如果唔使睇醫生，係咪一路食嗰個藥食一個星期就可以好返？
而家已經退咗燒，但係屙尿都會有痛。
Hello 呢個情況都會建議睇醫生。
身體發燒，通常都係代表身體發炎，或者對抗緊感染嘅其中一個症狀。而雖然屙尿會痛、屙血尿同埋頻繁想屙尿都係有機會係尿道炎嘅症狀，但都唔能夠100%肯定係尿道炎，有機會係身體其他問題有影響。同埋即使真係尿道炎都好，都唔清楚尿道炎嘅程度有幾嚴重。所以都係會建議睇醫生會比較好，始終由醫生了解情況，再作判斷，先至能夠作出最合適嘅診斷同埋治療，亦都有機會要食適當嘅藥物。
如果真係好唔想睇醫生嘅話，都一定要留意住身體嘅症狀，如果情況冇減退，持續出現，甚至變得更加嚴重，就真係要睇醫生啦。
希望幫到你