我7/9第一日黎M，14/9黎完M，本人平均35日到來一次，而15,17, 18都有同男友進行全程有套的安全性行為，一直下腹都有隱隱作痛，但20號就有少少下腹吉吉地痛痛地，有粉紅色的白帶和有少少痕癢。好驚是着床出血。
平時排卵日都會有出一兩滴血的情況。
Hello 如果發生性行為全程都有用安全套嘅話，咁呢個都係一個安全嘅性行為，就唔需要擔心係懷孕。
一般嚟講，着床出血都係比較罕見嘅現象，亦都只係得輕微一兩滴，唔會持續出現。你而家身體嘅情況，例如白帶，都有機會係就快要嚟月經，通常排卵期或者月經之前，都可能會有嘅情況，計返時間亦都係差唔多。
不過關於痛楚同埋陰道痕癢嘅話，你都可以留意住個情況。雖然排卵期都可能會有呢個情況，但係都有機會係發生性行為嘅時候唔小心整親，或者受到感染而出現。如果情況持續，或者變到嚴重，例如分泌物有黃綠色嘅話，就唔係一個咁健康嘅情況，就可能要再了解吓，或者睇醫生啦。
希望幫到你