喺危險期個陣有做過性行為，全程有用套，不過有時個套會滑落到⼀半，但無甩出黎。之後會用手戴翻好，繼續做。請問咁樣懷孕風險高唔高？
另外如果手掂過陰莖(可能有前列線液)，再用手接觸女仔陰道，會唔會都有風險？
宜家我仲有5-6日先黎m，但胸嘅旁邊已經有啲痛，不過又無脹痛感。好擔心。
Hello 咁咩情況懷孕風險都比較低，唔使太擔心 
雖然呢個絕對唔係一個理想嘅情況，但係基本上只要安全套冇完全甩出嚟，令到陰莖同陰道有接觸，或者令到體液同陰道有接觸嘅話，咁懷孕風險都比較低。
至於精子其實好脆弱，接觸到空氣好快就會死亡，所以就算隻手曾經掂到，之後先接觸陰道，風險相對都比較低。
如果真係擔心嘅話，都可以喺性行為發生之後11日用驗孕棒驗孕，得到嘅結果都會係可靠嘅。
至於個胸痛，可能係就快要嚟M，你都可以繼續觀察住。
不過啱啱都提過，安全套滑落唔係一個理想嘅狀況。有機會係因為掉轉咗正反面，或者係個size唔啱，都有可能會影響得到。你都可以睇返我哋呢兩個post做參考：
正確使用安全套嘅方法
多謝你嘅回覆，今日做咗驗孕紙，得一條線。仲需唔需要等多幾日再測？
因為唔知到你係幾號發生性行為，所以我講個原理俾你知，你可以自己計下尋日驗孕係咪最佳時候。
因為自行驗孕建議喺性行為後第7日或第11日進行，因為驗孕棒係透過檢測尿液中嘅hCG (人絨毛膜促性腺激素)含量，呢個激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會非常準確。所以如果你尋日驗孕係上次性行為既11日後，就唔使再驗。