岩岩開始食左yaz 21日避孕藥2個月，已食左2盒，係停7日個陣黎m ge，但之後好似點都仲有少少血咁，未清哂m咁，冇痛既，我有時係會唔同時間食藥同漏食過，但會補番食的。 依家岩岩完左第二盒，停緊第2日藥，都係開始黎m。但本身我未食避孕藥前，係屬於會黎四季經，未必每個月都黎，但食左2盒後，都係停7日期間內黎m，只係之後都係keep著未清。想問係關避孕藥事？需要去睇醫生嗎？因為我見幅作用都會令到岀血的
謝謝！
Halo
想了解下你本身食呢盒避孕藥前有冇經醫生檢查？
雖然事前避孕藥喺香港係可以直接喺唔同途徑下購買而唔需要醫生處方，不過一般我哋都建議服用前先由醫生評估檢查，因為唔係每個人嘅身體狀況都適合食避孕藥。而且市面上有好多款唔同嘅避孕藥，當中人造荷爾蒙嘅成份同劑量各有不同。所以第一次服用前，建議先由醫生檢查身體狀況，再建樓食邊一款避孕藥。如果你之前未睇過，不妨都去母嬰健康院／家計會診所／私家診所等預約睇醫生。
至於月經方面，因為初期服用藥物時，身體需要一段時間去適應藥物。時間因人而異，大約3至6個月不等，所以可能令到月經週期發生變化。至於你會由四季經變成一個月一次都係正常嘅，因為對於大多數服用者嚟講，持續服用避孕丸係會令服藥期間嘅經期規律化。不過，除咗藥物外，月經都會受唔同嘅因素影響，例如：壓力、作息時間改變、飲食等等。
所以整體而言，我覺得你都可以先去睇下醫生咨詢意見，睇下有無需要轉藥。