9.15前 同女友雙方都有著住褲同底褲磨擦 亦都有口交 同時指交個時 唔知有冇沾到尿道球腺液 如果即刻用酒精濕紙巾抹左 唔知仲會唔會有殘漏 8.26 係對上一次嚟M 但到依家都未嚟 本身係月經不穩 但出現尿頻 胸漲 嘔吐 腹瀉 腰痛 會唔會係孕早期症狀 但出現2、3日已經全部消失 同埋冇白帶 想知呢啲係經前症候群定孕早期
Hello你好
首先，性器官冇直接接觸，係唔會懷孕嘅。精子離開咗體外之後暴露係空氣其實好快就死亡，即使你有掂到啲尿道球腺液，都會好快被皮膚吸收、揮發，再加上用咗濕紙巾，都會被吸收嘅，所以導致懷孕嘅風險好低嘅，唔駛太擔心。
見到你形容嘅身體狀況，都有可能喺月經前嘅症狀，正正因為月經會受到情緒壓力影響，所以你可以放鬆心情，都會有幫助㗎。不過如果月經比起預期嘅日子遲咗三星期或以上，就可以考慮睇醫生，由醫生決定需唔需要開調經藥俾你。
另外，想分享一下，好多唔同嘅原因都會影響經期嘅，例如荷爾蒙失調、生活作息、飲食習慣、服用藥物、情緒壓力等，唔一定係懷孕㗎。一般月經週期21～35天或長達42天「都係可接受既」，所以就算上個月26號嚟m，都唔代表今個月26號應該嚟m～
但如果尿道球腺液冇抹乾淨 或者可能有一次唔記得 又即刻指交 咁懷孕機率大唔大
同埋想問如果月經不穩 上個月26 嚟 咁我點知佢嘅月經週期係幾多 因為佢之前都一時時 點知係唔係遲咗3個禮拜
Hello, 尿道球腺液本身入邊係冇精子嘅，不過如果尿道入邊有精子嘅話，當尿道球腺液經過尿道精子會混合一齊。根據你嘅描述，手指沾有尿道球腺液即刻進行指交，讓尿道球腺液直接接觸到陰道，係會有懷孕風險。
驗孕係最直接知道有無懷孕嘅方法，例如使用驗孕棒驗孕。驗孕棒透過檢測尿液中嘅hCG (人絨毛膜促性腺激素)含量，激素會係受精卵著床後開始大量分泌，而一般受精著床呢個過程需要6~9日，係性行為後7日使用驗孕棒的話會有初步嘅結果，而係11日後驗孕結果會更加準確。
而月經唔穩定，係好難準確預測下一次嘅月經幾時嚟。你可以嘗試記錄月經日子去估算月經週期。
追蹤至少3-6個月嘅月經來潮日期，然後計算每次月經之間嘅日數，咁樣可以得出一個大概嘅平均週期。你提到上一次伴侶月經係8月26日，咁可以觀察下次月經幾時嚟，並與前幾次嘅間隔比較。如果月經間隔超過三星期或以上，咁就建議睇醫生檢查。
啱啱嚟咗月經 即係代表冇懷孕？
Hello, 有出現月經的話就代表來經前發生嘅性行為，並無導致懷孕。而依家有出現月經，就無需太擔心啦~
好嘅多謝晒