小女17歲，一直同男朋友都做足安全措施，每一次都係安全期。但係今次29/9進行左一次，有做足措施亦基於某啲原因做咗一半所以全程佢未有射精行為。後來發現發生關係當天係排卵期，亦都回想到佢帶套之前我有用手幫佢，手上面有一啲前列腺液，唔記得咗有抹。佢帶咗安全套之後，我有用手掂咗一下安全套外面，唔知咁樣會唔會有懷孕嘅機率。
發生關係前一日已經有胸痛嘅跡象，所以一開始胸痛應該係排卵嘅導致，發生咗一兩日之後痛感逐漸冇乜，但係而家過咗七日左右又痛返，而家距離嚟M時間仲有一個禮拜，所以唔知關唔關事。而今日又有小腹痛、胃痛、胃脹、胸痛。好驚有咗。
1個讚
Hello你好
首先，精子離開咗體外之後暴露係空氣其實好快就死亡，即使你有掂到啲前列腺液，都會好快被皮膚吸收、揮發，唔駛太擔心。
你提到嘅胸痛都係月經前症候群嘅症狀，再加上感受到你好擔心懷孕，好大壓力，依啲情緒都會反映係身體上嘅~例如胃痛等等~
如果你仍然感到唔放心，可以喺性行為11日後再進行一次驗孕，相信望到準確嘅結果，會令你更安心。
喺等待月經嘅依段時間，你可以做一啲令你感到放鬆嘅事情，例如做運動、見朋友等，情緒對身體都好大影響㗎！
啱啱check 左兩次都係negative, 焦慮到完全瞓唔著，全身都發熱，凌晨四點想去廁所醒咗，喺網上睇，我啲症狀同早孕症狀都幾乎吻合。真係好焦慮。啱啱睇仲覺得乳暈有增大。但係我仲有幾日先嚟M
同埋呢兩日keep住有發熱，成塊面都好㷫，但係手腳又冰冷，量度咗幾次幾乎37-37.1，有時又會降返落去36.6
Hello, 你進行左兩次驗孕結果都係陰性，代表係無懷孕風險。驗孕嘅原理係咁嘅驗孕棒透過檢測尿液中嘅hCG (人絨毛膜促性腺激素)含量，激素會係受精卵著床後開始大量分泌，而一般受精著床呢個過程需要6~9日，係性行為後7日使用驗孕棒的話會有初步嘅結果，而係11日後驗孕結果會更加準確。所以你係無懷孕唔使擔心~
至於你提及嘅身體不適就如Neol同事所講係月經前症候群嘅症狀、焦慮同壓力引起影響左荷爾蒙變化。建議你嘗試放鬆心情，適當休息。如果身體不適持續就要及早就醫同檢查~