10月5號下午身痕去1樓1無套口交
雖然性工作者非常小心，沒有深喉及有幫龜頭搽潤滑劑，但諗番起就好驚。
至今沒有症狀，安全起見應該等什麼時候去檢查較好？
要檢查多少次及所需費用約多少？ 萬分感謝！
心急人上
Hello, 明白你擔心感染性病，不安全性行為係會有感染性病風險嘅，所有要做足安全措施例如用安全套、口交套等，安全性行為可以預防性病傳播就唔怕會感染到性病~
咁性病主要嘅傳播途徑透過體液，例如精液、腸液、尿道球腺分泌（Pre-cum）、陰道分泌、血液，接觸過身體比較薄嘅黏膜組織，例如肛門、口腔、陰道，或者傷口就有機會傳播到病毒。特別係當上面有開放性傷口（正在流血）先會有比較大機會可以造成性病傳播。但係如果口部冇流緊血嘅傷口，其實感染嘅風險係好低嘅～
口腔感染性病嘅症狀通常會係點：
1）口腔潰瘍，但未必會感到痛楚
2）嘴巴出現損傷，類似唇皰疹及熱病性皰疹
3）喉嚨紅腫疼痛，出現吞嚥問題
4）扁桃腺炎
5）發紅及出現白點，類似咽喉炎
6）出現白色或黃色的分泌物
見到都想做性病檢查，留意嘅係感染性病之後會有一段時間嘅潛伏期，係呢段時間裏面病毒或者病菌潛伏喺體內唔會有任何病徵。而即使你已經有病徵都好，都需要過一段時間，等病毒嘅數量累積多啲，先至可以透過唔同嘅方法檢驗出病毒/病菌。以下就係一啲常見性病嘅潛伏期：
淋病：約2至3天；
梅毒：約3星期；
尖銳濕疣(椰菜花)：約2星期至2個月，亦可長達6個月以上；
生殖器皰疹：5至6天；
披衣菌：約7至14天，甚至長達6星期以上；
愛滋病：半年至10年或以上
因為大部分性病嘅空窗期係3個月以內，所以建議可以係最後一次性行為後3個月進行檢查，咁就最全面喇。明白都會擔心自己身體狀況，都可以做性病檢查嘅，以下機構提供免費嘅性病測試，有需要都可以參考下：
政府社會衛生科服務診所：各類型性病檢查（較全面，能即時知結果及比藥）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒