昨天去佐按摩，無套被動口交，nuru時疑似外陰不小心碰到幾下龜頭，應該不是碰到陰道口，可能周邊，而且並沒有插入，對方說有做定期血液檢查，亦已打佐3針Hpv疫苗，咁樣我感染性別機會大不大？例如hiv、梅毒同椰菜花果D。如果去政府診所驗，會驗D咩，係咪已經可以好全面？同埋幾耐先可以去驗？幾耐先有知結果？係咪除佐hiv同梅毒要驗血等耐D，其他淋病、衣原體等撩一撩下體就即日知道結果？我好擔心，好怕傳俾另一半。好怕影響家庭，壓力好大，透唔到氣。
Hello
首先，性病主要嘅傳播途徑透過體液，例如精液、腸液、尿道球腺分泌（Pre-cum）、陰道分泌、血液，接觸過身體比較薄嘅黏膜組織，例如肛門、口腔、陰道，或者傷口就有機會傳播到病毒。
如果係冇插入過陰道，性病風險相對較低。不過都唔可以完全話冇，畢竟你都曾經有過無套口交，而且你都唔清楚自己有冇掂到陰道口。
呢個情況都會建議可以做咗性病測試先。如果你去衞生署社會衞生科診所進行測試，基本上都已經可以做晒好全面嘅性病檢測。而性病係有空窗期嘅，你可以喺性行為之後嘅一個月去驗。一般嚟講就一至三個禮拜左右會有結果㗎啦。
明白你都好擔心自己會感染到性病，首先如果擔心傳染到比其他人嘅話，都會建議你喺性病檢測出結果之前都最好唔好同其他人發生性行為住。不過而家其實都唔可以肯定你係感染到性病，一切都要等之後做咗性病測試先可以知。而且感染到性病嘅前提係你嘅性對象都有相關性病，如果你嘅對象本身冇性病嘅話，亦都有一直做身體檢查做測試，咁都唔使太擔心。
其實而家科學好昌明，好多性病都已經可以醫到，雖然唔係每隻都可以痊愈，但例如淋病、梅毒呢啲都係可以治療嘅，而愛滋病雖然無法根治，但都可以被治療。而且，性病上有個概念叫U=U，意思係當體內的病毒量下降至不可檢測的水平(Undetectable)，這個狀態下，體內的病毒將不能夠透過性接觸傳播予他人(Untransmittable)。所以即使不幸被感染都不至於世界末日，希望都可以減輕到你嘅焦慮。
第二日有感覺尿道有刺痛感，小便時沒有，小便後有少少，第三日尿道發現口有一點小小凝固的血塊，我係咪要立即去睇社會分科？過佐只有一兩日會唔會唔係性病引起？就算去社會分科係咪都驗唔到嘢？因為未過空窗期？
如果係hpv，社會分科係咪冇得睇冇得驗？
Hello~ 就咁聽落似係有啲尿道感染嘅症狀，有機會係性病感染，亦可能係非性病感染造成嘅尿道感染～ 性病大多數無咁快出現症狀，而空窗期亦未過，所以未必能夠透過快速測試檢測到
如果真係好擔心，亦可以選擇私家醫院作抽血檢查，咁會早少少知道結果
如果hpv的活，社會衞生科亦有得檢查。
淋病果D唔係會好快就有症狀咩？空窗期不是也很短？同埋有症狀係咪已經可以驗到？社會分科不會抽血檢驗嗎？私家醫院有咩唔同？
Hello你好啊
淋病嘅潛伏期係2-7日，即係話感染後2-7日內，身體就會岀現病徵。
而空窗期係指從感染後到病毒能夠被檢測到嘅時間，淋病嘅空窗期係7日，所以你講得無錯，相對於hiv而言，淋病嘅潛伏期同空窗期都係短啲嘅。以下就係一啲常見性病嘅潛伏期：
生殖器疱疹（疱疹二型）：約2-5天
淋病：約1-14天
滴蟲：約4-20天
衣原體感染：約7-21天
梅毒：約9-90天
性病疣（椰菜花）：約 1-8個月，平均為3個月
以上嘅時間都係一個平均數值，有好多人過咗呢段時間都未出現病徵，其實都係好正常嘅。除咗要睇你當時接觸到嘅病毒量，仲要睇你本身身體嘅狀況健唔健康。
因為大部分性病嘅空窗期係3個月以內，所以建議可以過咗3個月做檢查，咁就最全面喇，而社會衛生科都提供全面嘅性病檢查嘅。
因為有部分私家診所可以提供更快嘅性病檢查，即係唔駛等3個月，就可以做檢查，獲得報名，所以你可以就你嘅情況，決定接受咩檢查。
如果梅毒潛伏期，沒有症狀會不會通過皮膚接觸、床單或摸過嘅嘢而傳染其他人，好擔心會傳染屋企人。有咩要注意？
被動無套口交中梅毒愛滋機率高唔高？如果尿道口有唔明顯的傷口呢？一個月去驗係咪可以基本排除大部分性病？係咪6個星期去驗會好D？如果4個星期/6個星期後可以基本排除咩性病？
Hello 其實即使真係中咗梅毒，甚至有埋病徵都好，都唔會透過床單或者摸一摸過嘅物品咁會即刻輕易傳播到比其他人嘅。而如果你係潛伏期，亦都冇病徵嘅話，一般嚟講都唔會透過皮膚接觸，而傳染到比人。
至於口交中梅毒愛滋嘅機率高唔高，其實都要視乎返每一個個案每一個情況，唔係簡簡單單嘅高低就回答得到。我哋都只能夠講到，就係如果有體液接觸得到傷口嘅話，就可能會有傳播。
所以都係如果擔心嘅話，就建議可以去做返性病測試。一般嚟講其實一個月去驗就已經可以基本排除大部份嘅性病。而六個星期之後到三個月之後去做性病檢測，就可以更加準確咁排除到HIV感染。有需要嘅話都可以視乎返自己嘅情況去決定
咁係咪應該一個月驗一次，一個半月驗一次，三個月驗一次？
咁係咪要一個月驗一次，之後6個星期驗一次，最後3個月驗一次？如果一個月沒有症狀可唔可以驗到同排除皰疹同HPV？
Hello你好啊
其實性病潛伏期同空窗期嘅長短，都視乎當時接觸到嘅病毒量，仲要睇你本身身體嘅狀況健唔健康，所以有好多人過咗呢段時間都未出現病徵，其實都係好正常嘅。
喺不安全性行為嘅3個月後進行性病測試，就可以得到準確嘅結果~
明白你對身體情況好擔心，當然定期進行性病測試係好好嘅習慣，但係就住你嘅情況，相信即使係一個月驗一次，對於結果都未必太放心，所以可能都要思考下依個方法係咪真係可以釋除你嘅疑慮。
好多謝你哋回復，我都明白3個月最準，我都會相信報告結果，就是想睇下6個星期驗一次會唔會可以排除大部分性病，就算有D唔可以完全排除，都可以睇下結果有個參考，同埋我唔知自己呢次行為的風險程度如何，因第三日發現尿道口有小血塊，都唔知係咪因為對方用紙抹過而導致傷口，亦唔肯定係咪對方口腔有流血，所以好擔心。上來問，都係想諮詢下風險程度同訂立做測試嘅日期。幾時做咩測試，可以排除到D咩。每一日的等待係好痛苦，亦擔心傳染家人。我只希望今次冇事，以後一定會潔身自愛。
想知update，睇邊間，環境如何，報告點講
Hello, 一般嚟講，高風險體液嘅接觸越多，感染風險越高。如果係性行為期間，再度擦傷舊有傷口、已有或產生新嘅開放性傷口，病原會更易進入體內，感染風險亦會進一步大幅上升。無套口交感染性病風險屬於中度，原因係高風險體液或會直接接觸黏膜組織(口腔、傷口)。不論感染風險高中低，發生唔安全性行為後，都建議進行檢測嘅。而性病嘅一般常見病徵係性接觸部位痕癢、灼痛、生水泡或肉粒、潰爛、流膿、小便異常、分泌物異常等。
明白你係等待空窗期期間感到焦慮同壓力，梅毒同愛滋病可以透過快速測試較早得知結果。
梅毒：空窗期45天檢測
愛滋病：空窗期15天檢測
部分空窗期較短嘅性病亦可以先做檢測以排除感染嘅可能性讓自己安心啲~
淋病：病徵出現約2至5日。有部分人會超過30日或以上先出現病徵。
皰疹：病徵出現約2至12日。
衣原體：病徵出現約1星期至3星期。
生殖器疣(椰菜花)：病徵出現約2星期至8個月。
以下係提供免費性病測試嘅機構俾你參考：
- 衛生署社會衛生科（毋須預約）：
社會衞生科(男性)服務的診所名單、社會衞生科(女性)服務的診所名單 - 關懷愛滋（只為男男性接觸者或異性戀男性提供測試，須預約）：
愛滋病病毒、梅毒及甲型肝炎測試 - 香港愛滋病基金會（須預約）：
愛滋病病毒抗體測試及梅毒抗體快速測試；電話：2513-0513 - 再思社區健康組織（須預約）：
梅毒、愛滋病病毒、乙型肝炎、丙型肝炎快速測試；電話：31889024
最後都建議喺性行為嘅過程中要使用安全措施(安全套)，就可以降低感染風險又可以對雙方都有一份保障。
請問口腔入面會有咩高風險體液？同埋睇佐之前你地回覆其他人的post中講到無套口交只要唔係雙方有流血，風險都比較低。我想知我點知道對方口腔有冇流血？我點知自己有冇傷口？
對方口腔有冇流血，其實就好難知道。但如果你自己口腔有流血或傷口，其實應該會知道，舉過例，例如：你生痱滋，又或者咬損咗口腔，你一定會知道。當有呢啲情況嘅時候，應該避免進行口交，否則亦都會有感染嘅風險。
同埋口交主要係睇下雙方邊一方係用口去接觸對方性器官，如果係你用口去接觸對方，就應該要確保自己口腔健康，冇任何傷口。如果對方係用口接觸你嘅性器官，咁呢個就你好難知佢有冇傷口，但你應該都要建議下對方，如果有口腔傷口就避免去進行口交。
我都係想問，如果對方打左hpv針，咁係咪相對我感染hpv的風險都會降低？
另外，如hpv潛伏期會不會通過皮膚接觸同共用床單或毛巾而傳播？