當有不適嘅感覺開始 自己都有上網睇過資料會發生嘅可能性 。咁都有去睇醫生 。講返自己有尿道炎症狀 醫生都有講三種可能性。醫生就開左尿道炎藥我試下如果只係尿道炎就唔需要太擔心 話食藥完再睇情況有冇好轉再返去 比左兩種抗生素一種三日同七日 。同一種小便會變橙色嘅尿道炎藥 咁完藥後情況都有好轉所有症狀都冇哂 咁係咪都唔需要太擔心會係其他問題 同埋都想了解一下支原體係咩 。
Hello~好欣賞你有主動求醫
尿道炎一般只要跟醫生指示服用抗生素或搽藥膏就會痊愈，有機會康復初期，皮膚依然比較敏感，所以最好繼續保持清潔同乾爽就可以了
而你提到嘅「支原體」，我諗你係指「衣原體」？
佢係細菌類性病，感染症狀同樣係小便灼痛，可以透過服用抗生素根治。
咁我睇醫生時候醫生都有問過有冇特別異常分泌物流出 佢所講嘅分泌物顏色我都冇流過出黎 咁食完醫生開嘅尿道炎藥物療程最後一日症狀都冇哂 回復正常 。到依家都差唔多1個半月時間都冇復發症狀出現 。係咪都唔需要再太擔心會係其他問題
Hello你好啊
好開心聽到病情有好大嘅好轉，相信喺完成療程後，病徵無再岀現，就唔需要太擔心嘅~
因為醫生講有冇特別異常分泌物流出時 。我都當時有少少擔心 。都有問過會係點 。醫生都有講邊幾種顏色 我係出現病症前同到我救醫時都有留意過 。醫生講嘅特別異常分泌物顏色 。我都冇流過 。所以就上面咁講 療程完左到依家都冇再出現症狀 因為正常講得異常分泌物顏色都會有擔心 。但係又冇
因為講得異常分泌物都會諗起其他問題
醫生都需要詳細了解番你嘅身體情況嘅，見到依加情況改善咗好多，亦都無曬所有症狀，可以放心 
想了解一下異常分泌物（白色，黃綠色，綠色）就會代表係其他病嘅病徵
如果有就盡快求醫？ 如果冇就唔需要理？ 雖然過左一段時間 。但係有時都會諗返起搞到冇哂心情 會變得焦慮不安
呢一類嘅情況都想了解一下
Hello, 欣賞你願意了解更多，咁就可以更易留意到自己嘅身體狀況~
異常嘅陰道或陰莖分泌物顏色通常可以提示潛在嘅健康問題。
-
白色分泌物而質地厚稠嘅話，可能係念珠菌感染，感染後症狀包括陰部瘙癢、灼熱感。
-
黃綠色或綠色分泌物而氣味難聞、質地係泡沫狀嘅話，可能係滴蟲感染，係一種性傳播疾病，症狀包括陰部瘙癢、紅腫、灼熱感、排尿痛。
-
淺黃色分泌物，可能係細菌性陰道炎，症狀係有腥臭味。
如果出現上述情況，建議盡快就醫進行診斷同治療。
根據你嘅描述嘅情況已經康復，無出現異常分泌物唔使擔心，每日保持陰部清潔同衛生就會降低感染機會。
關於尿道炎 。其實男性有尿道炎出現係咪一定會同性病有關 。 睇醫生前自己都有上網睇過資料好多都係話同性病有關 症狀都係尿道炎同濃稠分泌物有冇係尿道口流出 一發現有尿道炎症狀都有睇醫生 醫生都有問分泌物問題 佢都有開尿道炎藥比我 從一開始有不適到完成藥物療程到依家差唔多3個月時間 一直都冇異常濃稠分泌物流過出黎 尿道炎症狀都冇出現過 咁其實係咪都可以算係放心唔關性病問題事 因為自己不時都諗起呢個問題搞到心情悶悶不樂咁
同埋都有睇過念珠菌同加德納菌都會引起男性尿道炎症狀問題出現
希望可以會講解一下
關於性病會有嘅濃稠分泌物或異常分泌物 從一開始懷疑有尿道炎都係只係單純有尿痛出現 分泌物就自己都有留意過 但係都冇係尿道口流過出黎 咁其實會唔會都只係普通尿道炎感染
男性其實都有機會有尿道炎，只係因為女性既生理結構上尿道比較短，加上接近陰道口，所以亦較容易受細菌感染。正如係所提及尿道炎多數都係受念珠菌同加德納菌引起的，雖然尿道炎都機會透過性行為而感染對方，但並唔係屬於性病。而尿道炎因為發炎既源故所以有時會有異常分泌，但並唔常見，而尿道炎主要徵狀係尿道口排尿時刺痛，所以你唔使太擔心有異常分泌。
同埋你睇醫生時都可以問下醫生今次既感染係因為咩原因／病菌，咁就可以了解多少少病因。