9 月嘅月經係 9月2日至9月6日（左右），10 月嘅月經係 10月2日至10月5日（左右），呢兩次嘅月經量/ 周期長短都算係正常。
10 月18日同男朋友有親密行為。
雙方下體有隔住衣物磨擦過，就算一齊沖涼大家都有着褲隔住
雙方下體從來冇直接接觸過。
我地有用手幫過對方，但我地幫對方嘅時候都有好小心，有確保大家隻手都係乾淨嘅。
男方幫我嘅時候都有洗乾淨手同抹乾淨隻手，亦因為擔心手指衛生問題有笠 condom 喺手指先插入我下體。
一直有用開app去Mark住自己嘅經期， 本來app就話我應該大概喺 30/10 就會嚟 M。 我喺10月30號開始直到11月3號好間中/斷斷續續有啡色嘅分泌物， 而去到大概琴日同今日， 啲分泌物就完全乾淨了。
我唔肯定嗰啲係極度少量嘅血氧化咗，定係純粹啡色分泌物。亦因為我有用護墊同埋着防漏底褲， 所以佢哋吸收咗，我就唔肯定個份量係有幾多。
大概最多嘅一次係幾個鐘嘅份量都係一塊護墊可以承載到嘅，但會見到有pat 淺啡色嘅嘢吸收咗落去
而唯一一次見到有極度少量鮮紅色嘅血， 係其中有一次去完廁所抹起喺廁紙度見到， 呢一次伴隨嘅係一Pat 啡色嘅分泌物。
而呢啲分泌物（？）嘅流出過程， 我完全感受唔到有任何經痛或者特別不適， 個人同平時一樣成日都好攰。
今年19 歲，而近呢一個月壓力同情緒波動非常大，經常心情煩躁，又好容易失眠， 甚至試過一兩次全晚冇乜點瞓過覺，反正作息好唔定時。 而且之前都有試過成日覺得頭暈， 曾經睇過中醫，中醫話我喺氣虛嘅人，唔知呢啲會唔會都係影響嘅原因。
我以前都有試過因為壓力令啲M遲咗嚟，亦試過嚟之前有啲啡色嘅分泌物（但只係1-2 日）。
以前從來未試過有呢個情況。比起遲嚟M，我而家甚至分辨唔到啲M嚟咗未/定係直情已經嚟完。
我知道呢個情況一定唔係正常，所以想問下會唔會有中咗嘅風險/ 呢啲可唔可以算係極少量嘅嚟M。
另外，如果我想再三確保懷孕風險，我應該幾時驗孕呢? 我有上網睇過就算驗都要睇時間，睇HCG level, 或者咩就算係negative 都未必係真係negative 等等。。。
麻煩晒。