同女朋友第一次發生嘅時候，有帶安全套﹐第一次射精係喺套入面。之後20分鐘過後發生第二次性行為﹐有一下大意冇帶安全套，之後已經即刻用返。即係有一下嘅冇套插入.
第一次射精後，其實有用廁紙抹乾淨﹐同埋相隔咗20分鐘。想問吓呢個情況需要食事後丸嗎？風險高嗎？
Hello 你呢個情況都好難答到你，只能夠講會有懷孕風險。
因為係陰莖性興奮勃起嘅時候，會分泌一啲透明嘅液體，即係尿道球腺液，如果你尿道入邊有精子嘅話，就會隨着呢啲分泌物分泌出嚟。尤其是你20分鐘之前曾經發生過一次性行為，雖然你有用紙巾抹乾淨，但係尿道入邊都可能會有精子，當你插入伴侶嘅陰道嘅時候，啲精子就可能會隨着尿道球腺液一齊進入陰道，咁就會有懷孕風險。
如果你擔心嘅話，都會建議你喺性行為72小時內睇醫生，你可以去家計會或者搵你嘅家庭醫生，同醫生講你哋嘅情況，再睇吓有冇需要食事後藥。
希望幫到你