本人男，24
屋企發生太多事，心情好差。去左第一次嫖
過程我只係接受咗無套口交，冇接觸到其他體液。
事後有用濕紙巾清潔，同埋十分鐘後有掛尿
但係過咗兩日發現陰莖包皮右側有一處直徑不足1cm嘅紅點/斑，唔痕唔痛冇分泌物。手腳未發現有。
之後去咗排急症，醫生睇咗一眼就一口咬定係性
病同轉介睇社會衛生科。
第二朝瞓醒感覺紅點有細咗少少同淺色咗
暫時未book衛生科，因為佢淨係開平日+啲我啲假難拎。同埋睇到坊間話有潛伏期，咁早睇冇用。
心情都比較低落同驚，宜家盡量高啲瞓覺唔好影響病情
所以想問性病機會高唔高？
口交會傳染咩性病+有咩病會出紅點？
只係敏感機會高唔高？
如果真係睇衛生科，邊個比較推薦？
十分感謝
Hello你好啊
首先，性病主要嘅傳播途徑透過體液，例如精液、腸液、尿道球腺分泌（Pre-cum）、陰道分泌、血液，接觸過身體比較薄嘅黏膜組織，例如肛門、口腔、陰道，或者傷口就有機會傳播到病毒。
病毒係需要時間先會出現病徵，亦即係潛伏期，大部份性病嘅潛伏期都係以日、甚至係月去計算嘅。
回應番無套口交嘅性病風險，除非佢口腔裡面有流緊血嘅傷口或者已經有明顯病徵，同時你陰部都有流緊血嘅傷口，否則口交傳染性病嘅風險都好低。
不過針對一啲透過皮膚接觸可以傳播嘅性病，例如椰菜花、皰疹等，有可能喺口交過程中唔小心整穿咗，就有感染性病嘅風險。
明白都會擔心自己身體狀況，都可以做性病檢查嘅，以下機構提供免費嘅性病測試，有需要都可以參考下：
政府社會衛生科服務診所：各類型性病檢查（較全面，能即時知結果及比藥）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒
空窗期係指從感染後到病毒能夠被檢測到嘅時間，即係話過咗空窗期後，先可以透過性病檢查得知自己有無感染。
以下就係一啲常見性病嘅潛伏期：
生殖器疱疹（疱疹二型）：約2-5天
淋病：約1-14天
滴蟲：約4-20天
衣原體感染：約7-21天
梅毒：約9-90天
性病疣（椰菜花）：約 1-8個月，平均為3個月
以上嘅時間都係一個平均數值，有好多人過咗呢段時間都未出現病徵，其實都係好正常嘅。除咗要睇你當時接觸到嘅病毒量，仲要睇你本身身體嘅狀況健唔健康。
因為大部分性病嘅空窗期係3個月以內，所以建議可以過咗3個月做檢查，咁就最全面喇，而社會衛生科都提供全面嘅性病檢查嘅。
因為有部分私家診所可以提供更快嘅性病檢查，即係唔駛等3個月，就可以做檢查，獲得結果，所以你可以就你嘅情況，決定接受咩檢查。
Update下先
暫時感覺紅點/斑有變淺
似結焦嘅顏色，紅轉啡（有少少瘀紫？唔肯定睇唔清楚）
佢紋路有少少似疤痕
但依然唔痕唔痛冇流血冇分泌物
如果睇私家，有冇邊間推薦？
星期六日會開？
大概收費係幾多？
Thanks
Hello, 我哋呢邊冇醫生或診所推薦嘅，不過最好就搵返熟悉你個人身體狀況嘅家庭醫生~
如果希望獲得更細緻嘅檢查或意見，可以考慮泌尿科、皮膚科或性病科嘅私家診所，部分診所係星期六日會開放半日或全日，建議提前電話確認及預約，建議帶埋醫生轉介信。
私家診所嘅一次諮詢通常收費約$800至$1500不等，視乎診所規模同地點。檢查費(例如血液測試或病原體檢測)會額外收取嘅。
提到醫生轉介你到社會衛生科作詳細檢查，建議
問題其實過咗潛伏期都未有病徵係咪即係冇病
因為每隻性病嘅潛伏期都唔同，有長有短，亦都唔係每個人都一定有明顯嘅病徵嘅，所以都好難答實你。
至於你嘅情況，除咗可能係性病之外，都有可能係發生性行為嘅時候唔小心整損咗而出現傷痕。
當然都唔能夠100%講定一定係邊種可能性，所以如果想放心啲嘅話，都係會建議去做返性病檢測會比較好。例如你可以去社會衛生科做返全面嘅性病檢查，無需預約，只要係佢有開門嘅時間就可以直接上去㗎啦，亦都可以好快做完檢測，就知道結果。
希望幫到你
因為平日時間就唔到你衛生科
所以想睇私家，但市面上都有好多唔同嘅化驗plan
都有平有貴，所以想針對返過咗「一個月潛伏期」「冇套口交」同埋「未有病徵」
應該要去化驗邊幾隻病會比較建議
Hello 如果係咁，你都可以特別留意下梅毒同埋HPV嘅。不過如果真係睇醫生，最好就直接同醫生講返你嘅情況，要由醫生按你身體情況作判斷會比較好。