YAZ 食到第3排，今日係第24日（最後一粒粉紅色）。但唔小心食左白色（第25日個粒）
即時食番岩個粒（最後個粒粉紅色）
想問下：
- 依家淨3粒白色，我係唔係第28日可以skip左去，第29日先開新一排？
- 今日食左一粒白一粒粉紅色，怕唔怕？影唔影響避孕效果？
- 平時講開遲食可以24小時內補食，咁如果提早2-3小時（比固定時間）又怕唔怕？（因為想慢慢提早）
Hello你好啊
hello你好啊
首先想解釋多少少，避孕藥係通過人造荷爾蒙去抑制排卵，改變子宮頸黏液嘅粘稠度，同埋改變子宮內膜環境，從而達致避孕嘅功效。所以，喺避孕藥嘅影響下，唔會好似平時月經咁，因為身體週期性荷爾蒙變化、排卵、然後未受精嘅卵子連同子宮內膜喺月經期間排出體外；服藥期間出現嘅「月經」其實係「撤退性出血」，即係服用活性藥物（粉紅色藥丸）期間，有荷爾蒙，而停藥/服用非活性藥丸（白色藥丸），其實冇荷爾蒙成份，而呢個荷爾蒙變化（下降）就會令到子宮內膜脫落，出現出血現象，依粒藥嘅目標係維持每日準時食藥嘅習慣，之後開第二排就會令到荷爾蒙水平再次上升，達到避孕嘅效果。
1)因為你食多咗粒白色藥，所以你可以按翻本來食藥嘅schedule 開新
一排藥，無需要有改變，
2）因為白色藥係無藥效，純粹俾你維持準時食藥嘅習慣，所以無影響嘅。
3）如果想改時間嘅話，可以搵一日直接轉去嗰個時間食。例如平時10點食藥，想遲一個鐘食，就可以搵一日（前後一個星期都冇唔安全性行為會再穩陣啲），直接轉11點食藥，之後都係11點食