小弟有過性行為全程都有帶套，但是今個月唔知點解會唔嚟月經，我要來臨月經當日都驗咗但又冇事，過幾日又驗咗都係冇，但我就係唔嚟，我都唔知點解同點算究竟幾耐先驗會比較準？有咩方法催經
你好，唔好意思遲咗覆你！
理論上如果你有依據說明書指示進行驗孕，而驗孕時已經係性行為後11日，就可以獲得準確結果（性行為後7日驗就有初步結果～），如果符合上述條件都係陰性嘅結果，就可以確定係冇懷孕～
至於點解月經遲遲未到，因為月經週期本身會受好多因素影響，例如生活作息、壓力、情緒、運動量、有冇病過、有冇食過藥等等，或者如果本身月經週期唔多穩定，或者仲係嚟月經頭幾年，週期浮動都係好合理嘅！
一般常見週期長度會係23-35日，如果確定冇懷孕，但又去到一個令你擔心嘅日數，想可以儘快嚟月經，可以諮詢醫生嘅意見，睇吓會唔會處方返相應嘅調經或催經措施俾你～