我大半年前有食開欣嘗呢隻事前藥，係家計會開俾我嘅。曾經停過藥，到宜家再食翻，頭一個月未食完21粒就流啡。請問咁樣情況係咪代表身體適應緊？thank you!
另外，想問下呢個情況會唔會影響到藥效？
無漏食，每日食藥時間都係晚上，最多比指定時間遲3個鐘食。
Halo，想了解下你再食返藥前有無再搵醫生檢查多次？因為始終都一段時間無食，最理想嘅做法，我哋都建議食藥前可以先搵醫生查詢同檢查會最好。
至於流啡方面，因為初時服用避孕藥都需要比身體一段時間適應，時間因人而異，大概三個月至半年嘅時間左右，因此初期的確有機會出現一啲副作用，例如流啡/點狀出血。而當身體適應後，呢啲副作用就會消退，所以如果你下個月都仲有呢個問題，就建議返去同醫護人員反應返你個情況會更好，但暫時嚟講都唔洗太過擔心。
另外，其實精神壓力過大，都機會導致內分泌失調而出現流啡嘅情況，所以你都可以檢視下近期嘅生活會唔會都有啲壓力積累而自己唔為意 
多謝你回覆。我都係去家計會搵姑娘配藥嘅。宜家我食緊第三個星期嘅藥，流血情況多咗(量就好似黎m最尾一日咁，得少少，用護墊就ok嘅量)主要驚影響藥效同身體。
1個讚
另外，一邊流血一邊有黎m嘅痛同感覺(攰同少少痛)，係咪正常？
Hello 呢啲都係避孕藥嘅可能副作用之一嚟嘅，會比較容易出現喺頭嗰幾個月。不過如果你真係覺得唔係咁舒服，或者有好多副作用經常出現嘅話，可能係呢一隻藥未必適合你，你都可以考慮同返醫護人員講返你嘅情況，睇吓有冇需要轉另一隻藥。