我哋22號做完，做的途中聽到bok一聲就拎左出嚟，男方琴晚自己diy出過一次, 今日先前有用其他部位出過一次，穿㗻陣發現入邊好似冇好多液體，上面全部都係潤滑油，之後搞掂埋㗻次發現出嚟嘅精只有好少，我本人認為的應該中的概率不高，但係都係擔心，不過4號做過之後6號就已經食過一次安立婷，驗左兩次確認冇懷孕，問下我需唔需要食事後？
Hello 咁嘅情況都可能會有啲風險
因為喺你哋發生插入式性行為嘅時候，相信係個套喺插入途中喺入邊穿咗，咁就可能會令性器官之間有直接接觸，而呢個情況都好難確定到有冇任何嘅精子會接觸到陰道，無論係尿道球腺液或者精液都好，如果有接觸到陰道嘅話，就已經會有懷孕風險嘅。
不過如果你哋月頭已經食過一次事後避孕藥嘅話，而家又再食的確唔係一個理想嘅情況。
呢個情況都會建議你睇返醫生先，例如可以去家計會，同佢哋講返你嘅情況，包括講埋你月頭已經食過一次事後藥，再由醫生判斷應該如何處理。
最後都提醒返，如果性行為之中安全套破裂嘅話，有機會係安全套唔啱size，或者可能係潤滑不足，都會建議考慮選購返適合嘅安全套，或者考慮需唔需要添購潤滑劑。
希望幫到你
咁想問下懷孕概率高唔高？因為男友先前已經射左一次，又洗乾淨左，剩下的精子數量都唔係好多，再加上先前食過安立婷一個月內子宮環境應該都唔係好適合著床？我哋其實唔係好想專登醫院或者家計會，所以就想睇下係唔係非常有必要去
Hello
首先，雖然另一半係安全套穿之前已經射過一次精，但我地都唔能夠評估漏岀嚟嘅液體有無精子或者數量有幾多。
而即使食過一次事後藥，都唔會減輕之後嘅受孕機會，因為事後藥只能夠為食藥前嗰次性行為提出避孕效果。
假如經過考慮後，決定唔想去診所、醫院，可以喺性行為7日驗孕，可以獲得初步嘅結果，喺性行為11日後驗孕，就可以有準確結果。