你好，我一直有食開避孕丸，咁啱啱嘅星期三同男朋友有性行為，而佢都有戴避孕套。完事後，個避孕套係完整無缺咁抽番出嚟。
星期四一早我遲咗兩至三小時食避孕丸，而我地就有赤裸咁互相攬下，咁佢嘅陰莖係有掂到我嘅身體，例如腰部，下腹同大臂，當時佢陰莖係勃起狀態，而我係感覺到自己有分泌物。男朋友有用手指掂過我下腹再落少少嘅位置，我估大概係陰道前面，但一定冇伸哂入去同埋時間唔長，幾秒咁。
如是者，星期五照食藥，亦有發生以上提及嘅唔著衫互攬嘅情況。
我想問下呢個情況下，係咪都有機會會懷孕？
Hello你好啊
性器官無直接接觸嘅話，懷孕嘅機會係好低嘅~ 再加你有食避孕藥嘅習慣，所以唔駛太擔心，不過係到都溫馨提醒一下，最好每日準時食避孕藥啊，如果怕唔記得，可以較個鬧鐘提醒自己。