你好，我上個月食完最後一排娜迪21粒裝避孕藥後，係開新一排嘅個日轉咗YAZ 24+4粒裝，原先23/11應該黎M, 但到今日25/11都未黎，有試過撩下子宮剌激下，都有少少谷M痛，但就仲未黎。宜家仲有2粒冇藥性藥丸就要開新一排，想知係咩問題導致仲未黎M…?會唔會成個月都唔黎？
Hello你好啊
因為兩款藥嘅荷爾蒙含量唔同，身體需要時間習慣藥效，所以都有可能導致今次情況岀現~
不規則岀血都係啱啱開始食避孕藥嘅常見副作用嚟嘅，通常兩至三個月就會消失，因為身體都需要時間建立藥效，所以未必一到停藥就有月經嘅。可以跟番平時食藥嘅schedule，每日準時食藥，唔需要特別停藥，不過如果依個情況持續，都建議可以諮詢醫生，由醫生判斷你食緊嘅避孕藥適唔適合你，或者有無轉藥嘅需要。
想問吓轉食另一款避孕藥係醫生叫嘅定係純粹你自己想轉？轉食另一款藥，都可能會有唔同嘅副作用，所以最好都係去睇醫生，由醫生去決定邊款藥更加適合你。