我月經一直以來都算準時 上個月遲咗兩日嚟 今個月嘅今日都係遲緊兩日（今日第二日）我每一次做愛都全程使用避孕套 完結嘅時候都會裝水檢查 確保安全 今日嘅身體狀況同平時嚟m第一日好相似 子宮痛 腹部痛 係咁放屁不過就係未嚟m 我個人就一直都好怕好焦慮會有bb 請問我呢種無形壓力同情緒係咪會影響到我嘅月經週期？
同埋我月經週期係29-33日 我依家嘅月經週期係35日 係咪有少少危險了
Hello你好啊
見到你同另一半發生性行為時，有使用安全套，正確使用安全套嘅避孕成功率高達99%，所以唔駛太擔心月經遲嚟係由懷孕導致嘅。
好多唔同嘅原因都會影響經期嘅，例如荷爾蒙失調、生活作息、飲食習慣、服用藥物、情緒壓力等，唔一定係懷孕㗎。一般月經週期21～35天或長達42天都係可接受既，所以唔需要太擔心住。
如果想知道自己係咪有懷孕，唯一嘅方法係驗孕。驗孕係檢測身體有冇hCG呢種受精卵著床之後先會產生嘅荷爾蒙，而卵子受精著床需要大概6－9日時間。所以，性行為7日後驗孕會得到初步結果，而11日後驗孕就會得到相對比較準確嘅結果。你可以計算返發生性行為嘅時間進行驗孕。
不過如果月經遲咗三星期或以上，就可以考慮睇醫生，由醫生決定需唔需要開調經藥俾你。