我食開YAZ優悅呢隻事前避孕藥
我大多數都係準時食藥 但有時會遲左30分鐘食 想問下會唔會對藥效有影響？因為有時遲返屋企冇帶藥喺身
同埋想問飲咖啡會唔會同事前避孕藥有相互影響？
Thanks!!
Hello 你好啊
事前避孕藥係用荷爾蒙去達致避孕嘅效果，如果連續七日準時服用，身體已經有足夠嘅荷爾蒙去避孕，如果漏食都建議喺原定24小時內補返，所以30分鐘係無太大問題嘅。如果係頭七日有漏食嘅問題，發生性行為可以加埋其他安全措施，例如帶安全套。不過都建議每日準時食藥，可以考慮吓帶藥出街食。
咖啡中入邊有咖啡因，咖啡因要透過肝臟分解，而事前避孕藥有機會影響肝臟有關功能，提升血液中咖啡因嘅濃度。如果好憂慮呢方面嘅問題，都建議可以問返醫生意見，或者飲咖啡同食事前避孕藥嘅時間相隔開。
我啱啱完成左兩盒避孕藥 已經開左第三盒 所以避孕效果已經穩定？
即係遲左30分鐘食都唔會有任何影響？
我見到你寫住話「如果連續七日準時服用，身體已經有足夠嘅荷爾蒙去避孕」
即係我而家都係穩定冇問題嘅？因為我尋日就係遲左30分鐘食
因為我多數都係準時食藥
只有幾次冇準時食 介乎遲10分鐘至30分鐘 最多淨係遲過30分鐘冇再多
係啊，見你已經食咗兩個月，身體嘅荷爾蒙水平都穩定去避孕，間中一兩日遲咗30分鐘係唔需要太擔心 