我食左兩個月左右 今晚準備食第三盒第三粒
平時晚上11:50左右食
但今日胃有少少唔舒服 胃酸倒流 頂唔順就去左嘔
尋晚即係12月9號 晚上11:55食過藥
今日 12月10號晚上9:20分就嘔左 (即係啱啱)
都相隔左21小時以上
係咪冇好大影響？或者粒藥其實已經吸收左？
呢度補充下 想問多兩個問題：
胃酸倒流會唔會影響粒藥嘅吸收？
同埋正常大便係咪唔會影響粒藥嘅藥效？
因為唔知點解尋日去多左幾次大便 4次左右
每次唔係話好多 每次都係正常量/少量
突然想去就去埋咁 唔係肚痛
今日都有兩次大便
尋日同今日都係正常大便 唔係肚屙/水便嚟嘅
平時就正常排便 冇乜特別嘅
Hello, 你嘅情況唔影響藥效，唔使擔心，都會逐一回答你嘅問題。
-
嘔吐後嘅藥效問題？
你提到嘔吐發生係服藥後大約21小時，咁即係避孕藥應該已經有足夠嘅時間被吸收。如果係服藥後超過3小時嘔吐，藥物吸收已經完成，唔會對避孕效果產生影響。所以今次嘔吐嘅情況唔會對避孕效果造成影響。 -
胃酸倒流影響藥物吸收？
胃酸倒流可能會對藥物嘅吸收產生影響，不過對避孕藥嘅影響一般唔大。避孕藥嘅有效成分通常會被胃腸道吸收，即使有啲胃酸倒流，影響唔會大，尤其係如果藥物已經係胃中吸收咗一段時間。 -
大便頻繁影響藥效？
正常大便唔會影響避孕藥嘅藥效。只有當你出現劇烈腹瀉嘅情況時，先有可能影響藥物嘅吸收。既然你提到大便正常且無腹痛或水樣便，咁樣對藥效無任何影響。