想講我呢個月開藥第一星期，完全冇印象自己邊日冇食藥。
今日10點食完，12點突然覺得唔對路，發現食少咗2粒。
好驚嘅情況下一次食曬兩粒，而家條數啱返。但之後上網發現好似應該一日補一粒先啱。
而家好驚藥會唔會有影響…主要早兩日先同男朋友無套做完…
你好，你既服藥情況其實唔係太理想，第一個月服食避孕藥仲有適應期，身體仲未建立好避孕屏幕，所以需要準時食藥。如果未有準時食藥，應該係建立唔到避孕功效。由於你有補食藥，但補食方法錯誤，正確既補食方法應該係要係漏食既24小時內補食一粒。由於你係早幾日有過性行為，所以建議你要自行驗孕，你可以喺發生性行為嘅第七日開始第一次嘅自行驗孕。自行驗孕可以喺性行為後第7日或第11日進行，因為驗孕棒係透過檢測尿液中嘅hCG (人絨毛膜促性腺激素)含量，呢個激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。
另外，要提返你就算由今日開始準時服食都好，係頭7天有性行為都要採取返額外既安全措施，如：使用安全套等。