食咗Yaz都半年有多
想問下係咪無論M前幾多日有性行為
只要有嚟M 就100%唔會懷孕？
你好，你講得無錯，只要有月經就代表無懷孕。
因為食緊Yaz 經期會短啲 血都少啲
同假性月經會唔會有好大嘅區別？
你講嘅假性月經係著床性出血，著床性出血係指當受精卵着床喺子宮壁嘅時候有機會造成嘅少量出血，通常只會有幾滴或者最多一塊護墊可以承載到嘅血量，而且係一次性，唔會持續地出血幾日，血嘅顏色亦會同月經嘅唔一樣。一般由受精到着床大概係性行為後六至九日就會發生，而且着床性出血並唔係一個常見嘅現象。所以如果係月經，就算經血量少應該都會較著床性出血多，而且都會維持兩至三日。
我14/12 m come，15號啱啱好開新一盒yaz，16號內射咗。
今日好似係m嘅last day，但下腹有少少痛，m come嗰幾日都冇痛過，爬文見到受精要6-9日，我下腹痛會唔會關早幾日內射事？
我下腹單側好痛 上網search話有機會係黃體破裂
但性行為已經係早幾日嘅事 會唔會隔幾日先會痛？
上網睇右邊單側腹痛有機會子宮外孕，想上網搵解決方法點知越睇越驚
首先，腹痛係唔關內射事，因為受精過程係唔會令人有好大痛感。
呢個同黃體破裂應該都不大有關，你單側腹痛，有機會係性行為時體位問題/太過激烈，令到身體有不適，所以唔使太擔心懷孕方面。
另外，宮外孕亦不大可能，首先，如因宮外孕引起疼痛，都會係因為胚胎日漸成長，體積越嚟越大，讓輸卵管造成壓力才會引起痛楚。但係受孕初期胚胎面積係非常細小，即使是宮外孕亦不會有任何痛楚，所以宮外孕通常唔容易喺懷孕初期被發現，就是這個原因。所以你唔使太擔心懷孕方面，不過如果你既不適/痛感持續，你需要去睇醫生，檢查一下會唔會有其他問題引起痛楚。
好的 唔該晒
15/12開新一個yaz
16/12有內射
17/12 m完
30/12有外射
31/12有用過驗孕棒 清晰一線
今日去廁所見到內褲無啦啦有啡色血跡（唔多
到去完抹嘅時候又唔見有血
但根據食藥嘅話 下禮拜先會m
想問下食咗大半年都算stable嘅時候 突然出血會大概有咩原因？
因為我怕著床性出血 但上網search有啲話性行為後7日 有啲又話10-14日後先出血
*抹嘅時候都有超少量
Hello 其實避孕藥係一啲人造荷爾蒙藥物，食咗避孕藥就會抑制身體排卵，亦都會改變子宮內膜環境，如果已經食咗半年有多，身體已經好好咁建立咗藥效，所以就唔需要太擔心係著床出血或者懷孕。
至於點解會有少量啡色血跡，其實都好難講，有陣時可能咁啱生活習慣改變、飲食作息影響、壓力大，或者身體有病等等好多原因都可能會影響咗身體，就可能會導致咗咁嘅情況。當然我哋都唔能夠斷言到係咩原因，不過既然你都已經用驗孕棒驗過嘅話，至少都可以排除咗係懷孕呢個原因啦。
不過你都可以繼續留意住自己有冇繼續突然有出血嘅情況，或者身體有任何嘅唔舒服，如果真係有嘅話，就最好睇一睇醫生，了解返會唔會係身體有任何嘅問題。
希望有幫到你 
好的 唔該晒
新年快樂！
1個讚
新年快樂