同男朋友一齊咗半年，早排開始進展到會互相摸下掂下大家嘅親密部位，佢會想揸我上面，我都會掂佢下面摸到佢興奮，雖然都係夜麻麻同埋隔住件衫/褲去做呢啲動作，但會做呢啲事都會係喺啲公眾地方例如公園。第一次我覺得無乜嘢，大家都enjoy，個個公園又好黑，無人見到。但有次自己無mood，啱啱嚟緊m唔想做，男朋友個陣好想要，但我個陣真係唔想，我話我覺得周圍好多人，所以我推開咗佢，令佢好唔開心。其實我無mood係其一，其二係心底係好驚被人見到/影相，個公園雖然無行人，但周圍都有住宅，我驚啲人係上面望落嚟見到我哋咁樣會影。
我同男朋友就住呢件事傾過，大家都唔開心，佢話我無顧及佢嘅想法，當我想要嘅時候就有，當佢想要嘅時候我就唔比。然後佢又話我言行不一，因為我驚比人見到，但我有次係後樓梯又摸咗佢，但後樓梯仲可能有人突然出嚟，所以佢覺得唔公平。我自己覺得好矛盾，因為本身女摸男點都無咁明顯，同埋我就係驚俾人影相。我唔知點樣同佢講好，我講咩佢好似唔係好接受。