hello 想問下女朋友上次26號黎m 今日有性行為，但係第一次我地轉體位嗰陣發覺鬆左出黎 一睇係全個套喺入面
然後就過程中都有脫落到一半
再之後換新套 有完事
事後check兩個套都冇穿（有裝水）
想問呢個情況book定食藥會唔會好啲？
你好，你地嘅情況因為曾經有安全套脫落情況，仲留左係陰道，所以建議女朋友可以考慮盡快預約家計會診所／母嬰健康院／部分私家診所睇醫生，食返藥。
緊急避孕藥係用高劑量嘅荷爾蒙去抑制排卵、阻礙卵子受精、同埋令受精卵難以著床，達致緊急避孕嘅作用。所以事後藥係有時效嘅，要喺性行為72小時（ 單一荷爾蒙）或者120小時（黃體激素受體劑）內食。如果有正確服用，而且食完短期內冇嘔吐或者嚴重腹瀉，避孕成功率係好高嘅。
事後藥係香港係處方藥物，即係要睇醫生，由醫生處方。而且由於事後藥含有高劑量荷爾蒙，並唔係每人嘅身體都適合食，醫生會檢查身體，詢問病史，認為情況適合先會處方。如果唔適合食事後藥可以性行為120小時內置入子宮環作為緊急避孕嘅方法。
如果係藥房買嘅事後藥，有機會係來源不明、成分不明，或者冇有效成份嘅假藥。 由於唔係食由醫生處方嘅時候藥，並唔能夠肯定係咪有避孕功效。你地盡快去處理下。