我係月經週期第6日有無套性行為插左一陣戴返套先射 之後幾次性行為都有戴套加裝水check有冇穿 所以之後嗰幾次應該安全的 今日cycle第29日驗左兩次 平時cycle around 30-32日 第一次用clear blue ultra ealrly 晨尿驗好似有線唔知係蒸發線定咩 有啲驚 夜晚驗多左次 第二次驗就冇咩飲水+等左差唔多6個鐘嘅尿先驗 用clear blue digital就顯示陰性 我上網睇話如果性行為後18日驗唔到就通常冇事 咁我依家係咪姐係代表冇事
Hello, 根據你所提供嘅資訊同測試結果，目前嘅情況懷孕風險係極低，唔使擔心。
你提到性行為全程使用安全套且經過水測確認無破裂，咁係非常安全嘅避孕措施，基本上排除左後續性行為導致懷孕嘅可能性。
驗孕棒原理係透過檢測尿液中嘅hCG (人絨毛膜促性腺激素)含量，激素會係受精卵著床後開始大量分泌，而一般受精著床呢個過程需要6~9日，係性行為後7日使用驗孕棒的話會有初步嘅結果，而係11日後驗孕結果會更加準確。你係性行為後18日驗左兩次驗孕結果都係陰性，結果係相當可靠，代表你無懷孕風險。