Hello, 請問性行為後第十四天,驗孕驗尿,不是晨尿,用了clearblue ultra early 驗孕棒,但是忍尿五個小時,沒有飲水,結果都是negative,是不是結果都可信?不一定用晨尿才準確?
P.S. 我是今天原本是會M到,但是未有,以往月經都是比預期早一日的…
Hello, 今天性行為後的第十五天,剛剛以clear blue ultra early 驗孕棒以晨尿驗了,亦是比月經要來的遲了一天,驗孕的結果都是negative,結果其實是不是已經足夠可靠,不用再驗下去,可以完全排除懷孕的原因?
因為很少會遲,通常都早一兩天來,不知道會是甚麼原因?
Halo其實驗孕棒嘅原理係透過檢測尿液中嘅hCG (人絨毛膜促性腺激素)含量而判斷你是否懷孕。呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。
所以只要喺適當嘅日子之後,同埋使用可以喺註冊藥房買到嘅驗孕棒,並且跟足說明書嘅指引,其實準確度都已經非常高。至於晨尿方面,其實只要喺性行為後11日進行驗孕,即使唔係用晨尿都係可以驗出結果。而隨着懷孕嘅日數增加,hCG含量亦會越高。所以如果呢兩次嘅檢測情況(性行為後第14日同第15日)都係negative,咁相信結果都已經非常準確。但當然如果你仲係擔心嘅話,聽日可以試吓再用另一個牌子嘅檢測棒做測試,咁就會更加安心。
至於月經遲嚟嘅原因可以有好多可能性。正如你所講,平時都有機會會提前一兩日,所以間唔中比以往遲咗幾日都係合理嘅範圍。因為其實一般月經週期係21~35天,甚至有啲情況都聽過會長達42天,所以暫時只係遲咗幾日都係合理🫶🏻唔洗太擔心。另外,其實有好多因素都會影響月經,例如:生活習慣、情緒同壓力等等。所以你都可以審視下自己呢排嘅生活會唔會都有啲咩變化出現而影響身體🫶🏻
明白月經遲嚟係會令人好擔心同困擾,但其實呢種擔心同緊張,反而有機會令經期被影響所以呢排都可以放下擔心,再觀察多幾日先~
Hello, 最後我都是去了抽血驗孕,是在行房後15天,結果都是negative,HCG是少過0.1,
想請問一下,會不會有機會我的HCG level 未有足夠時間去顯示出來,其實要到何時才可以排除懷孕的原因使到我的月經遲來?
Hello 其實基本上而家過咗15日驗都仲係陰性,亦都有顯示hCG少過0.1,已經可以確定係冇懷孕㗎啦。因為如果體內冇受精卵着床嘅話,咁自然就唔會有足夠嘅hCG量啦。
其實每個人嘅身體都會成日變化嘅,如果單單只靠有冇嚟月經就去判斷自己有冇懷孕就太唔可靠啦,尤其是有時天氣變化、飲食習慣、生活作息等等呢啲都係可能會影響咗月經嘅。
所以如果對身體有懷疑嘅話就可以去驗孕,呢步係好嘅。而只要有正確咁驗孕,之後得到嘅結果相信都會係可靠嘅。而且你已經驗多過一次,亦都有用唔同方式驗孕,咁相信出錯機會都係極之極之細啦。
所以都唔需要太擔心係有懷孕啦。希望有幫到你。