我現在在吃YAZ優悅
想問如果平時喝 蘋果綠茶 檸檬茶 蘋果汁 阿華田等的飲品 或吃大蒜等等的食物 會影響事前避孕藥的效果嗎？不是與藥物同時服用的 只是吃飯或一般時候有時會喝
我暫時吃到第三盒 第三行 第二粒
請問避孕效果已經穩定了嗎？
因為網上經常有不同資料 說很多食物與事前避孕藥有相互會影響 令人混淆
我自己有無套內射性行為 害怕吃了某些食物會導致避孕失敗
想再補問少少問題
我平時都係11:52食藥
但最近轉左11:56-12:00左右食藥
請問會唔會有好大影響？
冇試過漏服 最多試過遲30分鐘食藥幾次 冇再多
Hello, 係好好嘅提問啊，逐一回應你嘅提問啊~
YAZ(優悅)避孕藥嘅效果基本上唔會因為食物而受到影響。你提到嘅幾種食物同飲品都唔會影響避孕藥嘅效果。要注意嘅食物係含有大量葡萄柚嘅飲品或補充品，因為可能會影響藥物嘅代謝，進而降低避孕效果。
你已經持續服用避孕藥超過兩個月，身體建立嘅避孕效果已經穩定，所以唔使太過擔心懷孕風險。
YAZ(優悅)避孕藥對於服藥時間有一定嘅容忍範圍。一般嚟講，如果遲服藥物少於12小時，避孕效果仍可以保持穩定嘅。如果遲服藥物超過12小時，就會影響避孕效果，咁樣要儘快補食同使用額外嘅安全措施(例如安全套)。所以，你由11:52延後到 11:56至12:00服藥及偶爾遲服藥30分鐘，都係唔會影響避孕效果。
都有啲方法可以減少遲/忘記服藥，可以設置手機鬧鐘或提醒，幫你係固定時間內準時服藥。或者將避孕藥放係容易記住嘅位置，例如床頭櫃、包包或手機隔離，咁樣有助記得按時服藥。
1個讚