你好，本人間中會去按邪骨，本地或外國都有，但最多只是（打飛機）和摸對方胸部，不會性交。想問問會否有感染性病風險？自己有點擔心雖然沒體液接觸，但在房間內沒有著褲，擔心如果床單或毛巾有病毒，會否因此感染性病？
Hello, 根據你嘅情況感染性病可能性低。原因係「打飛機」、撫摸胸部呢啲行為唔涉及體液交換或直接嘅性器官接觸，所以唔會導致性病感染。有啲性病病毒（例如HIV）係離開人體後，不能係環境中長時間存活。即使有病原體污染床單或毛巾，通過呢啲物品感染嘅可能性都係非常低。
都分享下性病（例如梅毒、淋病、衣原體感染、HIV、HPV等）嘅傳播途徑。
- 直接嘅性接觸，包括陰道、肛門或口腔嘅性行為。
- 體液交換，例如精液、陰道分泌物或血液。
- 破損皮膚或黏膜接觸到感染者嘅體液。
雖然你提到嘅行為感染性病風險非常低，不過都有啲潛在風險要注意。如果你嘅皮膚上有傷口或破損，而呢啲部位接觸到感染者嘅體液，會有感染風險。一啲非性病感染（例如真菌感染或疥瘡）有可能通過共用不潔嘅床單或毛巾傳播。如果場所嘅衛生條件較差，建議多加留意啦。最後都建議係性行為全程使用安全措施（例如安全套）進一步降低感染風險。
1個讚