月頭（1/12）同男朋友做過 全程有戴套 上個月18號嚟 今個月25號仲未嚟 好驚
呢排都好擔心 自己作息都差左 而家放假起碼都2.am瞓 12.pm 起身 唔知有冇影響
Halo 
月經嚟的確係好令人擔心
不過其實有好多因素都會易響月經周期嘅
首先，影響月經周期嘅因素有好多種，其中作息改變、心理壓力同飲食等等都有關係，所以如果你呢排作息因為放假而改變，都真係有機會造成影響～而且一般月經周期由21日至35日不等，所以間唔中遲嚟都係有可能發生。
但當然，意外懷孕都可能係其中一個因素。不過就你情況嚟睇，如果你同另一半發生性行為時都全程有正確使用安全套，相信意外懷孕嘅風險都唔係特別大。但當然如果你都仲係好擔心同好驚嘅話，你都可以考慮使用驗孕棒。驗孕棒可以喺最後一次性行為後嘅7日或者11日後使用，結果都非常之準確。而睇返你所講，你哋上一次性行為係12月1號嘅話，依家已經係喺有效嘅時間內可以使用。
就你情況嚟講，我諗一方面你都可以觀察多幾日，睇下會唔會係遲嚟月經。而另一方面，如果你都比較擔心係意外懷孕嘅話，都可以考慮使用驗孕棒。最後，放鬆心情、唔好太緊張都好緊要如果過多一排都仲係未嚟月經而又無懷孕嘅話，就可能要考慮向醫生求助。
多謝你嘅解答
令我嘗試放鬆咗心情 決定觀察多幾日先 希望盡快調之後自己生理時鐘