男朋友同我都冇着底褲，佢喺出邊磨擦同埋有頂到窿位，有precum，但係冇射到，而且我都有濕。雖然機率細，但係有啲驚中
今個月12開始嚟m，18號嚟完m
Halo
如果你同另一半嘅性器官有磨擦同接觸，而且冇任何衣物同埋安全措施隔絕嘅話，其實都真係有一定程度嘅風險
始終正如你所講就算冇射精都好，男士喺性興奮嘅過程已經會有分泌物出現，而呢啲分泌物上面帶有少量嘅精子所以都係有一定程度意外懷孕嘅風險
如果你本身冇服用任何避孕藥，而亦都唔打算服用事後丸，但又好擔心嘅話，都可以考慮喺呢次性行為後7日或者11日後使用驗孕棒。
記得雙方性器官直接磨擦，其實都有一定嘅風險
下次如果有性接觸嘅話，都不妨使用安全套呢，會比較安心啲～
Hello 想問下機會係咪好低
當然無安全措施下，性器官有直接嘅接觸，當中有機會有帶有精子嘅分泌，都會係有風險。當然呢一啲喺外陰嘅非插入性行為，比起冇安全措施之下直接插入陰道嘅接觸，懷孕風險係會低一啲，但仍然有一定嘅風險。
Hello 咁係尿道同陰蒂個啲位磨擦大唔大機會？想知道 thxx
Hello 要懷孕嘅話，就係精子進入陰道，同卵子結合，就會有懷孕機會。而就好似同事上面講咁樣，如果接觸到陰道嘅話，就會有風險，如果係外陰嘅話懷孕風險會低一啲，但都唔係完全冇風險，因為喺實際發生性行為嘅時候，相信都唔能夠100%排除到磨擦嘅時候肯定冇掂到陰道，所以我哋都只能夠講仍然有一定嘅風險。
如果擔心嘅話，其實都可以考慮喺性行為發生之後11日買支驗孕棒驗孕，只要根據驗孕棒嘅指示驗孕，得到嘅結果相信都會係客觀準確嘅。