星期一同三都同男朋友有親密行為，主要都係我幫佢口交同佢幫我口交
星期一就試咗69 呢個姿勢，全程大家下面都冇掂到大家下面，冇插入行為，男朋友更冇射，但完咗之後我成日都好怕會有啲precum 唔小心hi 落我到，明明大家下面都冇掂到對方，之後就不斷諗不斷諗
前幾日男朋友有着底褲，我就底褲加瑜伽褲，佢就頂我下面，冇射到，而我又怕佢啲precum 會入咗落我到，今日男朋友幫完我口交之後我抹下下面，發現有少少血絲，好怕會係着床出血，定係我陰道損咗？因為男朋友開頭有用手指入過個陰道，我有少少少痛，定係排卵期出血？不過我排卵期係上個禮拜五六日嗰段時間，定我就嚟嚟M ?
其實係我高估咗精子嘅生存能力，定真係諗多咗？
另外就係佢頂我嘅時候我feel 到佢有少少好少入咗個窿，咁會唔會有機
有冇人
Hello 首先你個情況就唔使咁擔心，如果你哋嘅情況係性器官冇直接接觸嘅話，係唔會有懷孕風險嘅。
見到你話你好擔心precum會搞到你懷孕，首先想講返，其實precum本身係冇精子嘅，只係假如尿道入邊有殘餘嘅精子，精子會隨着precum而分泌出尿道口。但係你哋只係互相幫對方口交，首先口交就唔會因為咁而懷孕。至於隔住底褲去頂你下面，其實隔咗幾層衣物，精子亦都唔會因為咁而進入到陰道。
至於你擔心嘅着床出血，其實著床出血通常發生於受孕後10-14日，唔會早幾日發生完性行為，今日就咁快有呢個情況，所以如果係出血嘅話都唔需要太擔心係着床出血。
至於你出血嘅情況，就好似你講咁，你男朋友有用手指插入過陰道，有機會因為咁而小心整傷咗陰道。如果真係咁嘅話，都會建議唔好進行性行為住，比陰道休養吓。至於係咪就快嚟M，呢個你都可以留意住自己身體，睇吓仲有冇變化。不過無論如何，如果有任何疑問嘅話，例如如果出血情況有嚴重改變，都會建議睇醫生了解返個情況。
希望幫到你