我係男，早兩個月同女友做完，下體就痕。其實以前同前女友都試過，個次係念珠菌感染而下體發炎，醫生俾膏藥我搽完就無事。但今次都係一樣咁搽無乜用，睇左兩次之前個醫生都話唔受擔心睇黎係有d菌，又開新藥膏俾我搽，都係唔好。
後尾我都去左衞生署度驗，即日驗完話無事唔係性病。咁我係咪尿道炎呢？？我依家間中會痕，痕起上黎會有透明分秘液流出黎，但又無異味，小便又正常，只係一味痕。
希望有人可以解答，thanks。
Hello 你好
本身睇過醫生，而醫生開嘅藥膏對病情冇正面影響嘅話，建議複診嘅時候同醫生講返你嘅情況，對症下藥，睇睇醫生有冇其他更好嘅治療方案，如果覺得呢位醫生未必幫到你嘅話，亦都可以考慮轉睇其他專科醫生。
至於性器官痕癢方面嘅問題，首先，性器官痕癢有可能係因為衛生問題，例如：清潔唔乾淨，令陰莖皮膚痕癢而造成念珠菌感染，都會令性器官痕癢。要視乎皮膚有無異常發紅或異常分泌物（例如混濁/黃色/綠色/帶血絲），如果冇異常情況嘅話，就未必係受念珠菌感染。而你嘅分泌物係透明嘅話，都屬於係正常嘅範圍之內。
另外，由於天氣轉變，例如：冬天天氣乾燥，性器官皮膚亦會好似身體其他皮膚一樣，會因乾燥而痕癢。建議沖涼時先注意一下性器官清潔，如果衛生問題已解決，但仍然有痕癢問題，都要搵醫生作詳細檢查，睇下會唔會有其他情況引起痕癢。
雖然你已經做過性病嘅檢測，但都可以睇返上一次性行為同檢驗性病中間嘅時間隔咗幾耐，有機會係性病嘅病毒數量未增生至可檢驗嘅數量，亦都係俗稱嘅空窗期。如果對感染性病方面有懷疑的話，可以三個月後再做多次檢測，假如檢測都係呈陰性反應，就可以排除性病嘅可能性。
同時喺呢段期間建議避免發生性行為，以免令性器官痕癢嘅情況加劇；即使真係要發生性行為，都要做足安全措施同埋注意性行為前後嘅清潔。
希望解答到你嘅疑難
多謝你回覆，其實都無乜好轉，但我之前睇開個醫生診所已經無再做。想問依個情況我應該睇咩科醫生呢??
Thanks a lot.
Hello~ 正如同事所講，如果之前驗嘅時候未夠空窗期，可以先去社會衛生科覆診，確保可以排除性病嘅可能性先；如果排除咗唔係性病，可以搵返你嘅家庭醫生或者睇泌尿科專科 