同女朋友一直都有做，佢已經一個月冇嚟m，點算，好驚
女朋友一個月冇嚟M，好擔心中咗，但係佢冇唔舒服
Hello~ 見你好擔心女朋友有冇懷孕，會唔會可以講多少少詳情，例如係幾時發生性行為？發生性行為嘅時候有冇使用安全措施等？因為身體有冇唔舒服同懷孕都冇直接關係㗎～
由上年六月開始就有開始做有時有帶，有時冇帶，最後一次嚟M係11月
你好～ 見到你話有時冇用安全措施，如果係咁就絕對會有懷孕嘅風險～
呢個情況下會建議你女朋友先進行驗孕測試，睇吓係咪懷孕導致月經冇嚟。
驗孕棒係透過檢測尿液中嘅hCG嘅水平，去判斷有否懷孕嘅。hCG 係喺懷孕嘅情況下，由受精卵著床開始分泌嘅一種荷爾蒙，而hCG 嘅水平會隨住懷孕嘅日子增加。一般來講，性行為後7日已經會有足夠嘅水平可以檢測得到初步結果，11日之後就會有好準確嘅結果。愈後嘅日子驗孕，就會因為體內嘅hCG會愈多，而愈容易得到準確嘅驗孕結果。
如果證實未有懷孕，就可能係有其他因素令到月經遲來，例如生活作息改變、情緒、壓力、病過、食過藥等等，亦可能係一啲婦科狀況，呢個情況會建議去諮詢醫生嘅意見，即使冇特別病症都可以睇吓需唔需要催經～